भक्तपुर, ३ फागुन २०८१काठमाडौ मेडिकल कलेजले मध्यपुर थिमि नगरपालिका वडा नम्बर ७ का बासिन्दालाई लक्षित गरि निशुल्क स्वास्थ्य शिविर सञ्चालन गर्ने भएको छ । कलेजको दुवाकोट स्थित अस्पतालमा माघ ४ र ५ गते निशुल्क स्वास्थ्य शिविर सञ्चालन हुने भएको हो ।
सो शिविरमा जनरल मेडिसिन देखि विशिस्ट सेवा समेत प्रदान गरिने अस्पताल प्रशासनले जनाएको छ । स्त्री तथा प्रसुती, बाल रोग, मानसिक तथा नसा, हाडजोर्नी, नाक कान घाँटी, आँखा र सामान्य सर्जरी सम्म निशुल्क हुने अस्पतालको भनाइ छ ।
बिहान १० देखि दिउँसो २ बजेसम्म शिविर सञ्चालन हुने भएकोले मौकाको फाइदा लिन वडाध्यक्ष कृष्ण कुमार प्रजापति उनले आग्रह गरेका छन् ।
रेफर गरि उपचार गर्नु पर्ने भए कलेजको सिनामंगलस्थित केएमसी अस्पतालमा क्याबिन र औषधीबाहेकका सेवामा ५०% सम्म छुटको ब्यवस्था गरिएको पनि उनले जानकारी गराए । नगरपालिकाको आफ्नै नगर अस्पताल भएपनि वडाले चाँगुनारायण-२ स्थित केएमसीसंग मिलेर निशुल्क स्वास्थ्य शिविरको योजना अघि सारेको हो ।
