जाजरकोट, ३० पुस । जाजरकोटमा भाइरलले हताहती पारेपछि पूर्व स्वास्थ्य एबम गृहमंत्री समेत रहेका प्रतिनिधिसभा सदस्य शक्तिबहादुर बस्नेत एक स्वास्थ्य टोली लिएर भक्तपुरबाट जाजरकोटको यात्रा तय गरेका छन । उनी स्वास्थ्य मन्त्रालयका सचिव पुष्पा चौधरी र डाक्टरसहितको टिम लिएर जाजरकोट आइपुगेका हुन् ।
भाइरल प्रभावित क्षेत्र जुनीचाँदे गाउँपालिका वडा १, २ र ३ मा औषधि, डाक्टरसहितको टिम पुगेको छ ।
बस्नेतले जुनिचादे गौपालिकामा पुगी भाइरल प्रभावितहरुको स्वास्थ्य उपचार गर्न निर्देशन दिएका छन् । जाजरकोटको जुनचाँदे गाउँपालिकाको वडा १, २ र ३ मा औषधि वितरण र सदरमुकाममा अन्तरक्रियासहित विशेष निर्देशन दिने कार्यक्रम बमोजिम उनी व्यस्त बने ।
भाइरल प्रभावित क्षेत्रमा आठ क्विन्टल औषधिसमेत ल्याइएको छ । यो औषधी भाइरल नियन्त्रणमा पर्याप्त हुने भन्दै अपुग भए थप ल्याइने टोलीका एक डाक्टरले जानकारी गराए ।
जाजरकोटबाट राजधानी ल्याइ राष्ट्रिय प्रयोगशाला जाँच गरेको बिरामीको नमूनामा रोग मौसमी रुघाखोकी भएको पुष्टि भएको छ । जाजरकोटमा भाइरलबाट मृत्यु हुनेको संख्या अहिलेसम्म १३ पुगिसकेको छ ।