भक्तपुर. २ माघ गुण्डा नाइके भनेर चिनिएका दीपक मनाङ्गेलाई अर्को दशा आइपरेको छ । उनी मनाङबाट प्रदेशसभा सदस्यमा निर्वाचित भएर पनि सपथ नालिदै निलम्बनमा परेका छन ।
सांसद दिपक मनाङ्गेलाई ५ वर्षको जेल सजाँय सुनाइएको छ । २०६४ सालमा तत्कालिन पुनरावेदन अदालत पाटनले गरेको फैसलालाई सदर गर्दै सर्वोच्च अदालतले उनलाई ५ वर्षको जेल सजाँय सुनाएको हो । सर्वोच्चका न्यायाधीशद्धय दिपकराज जोशी र पुरुषोत्तम भण्डारीको संयुक्त इजलासले पुनरावेदन अदालत पाटनको फैसलालाई सदर गर्ने फैसला गरेपछि मनाङ्गेको प्रदेश सभा यात्रा जेल यात्रामा परिणत हुन पुगेको हो ।
काठमाडौं जिल्ला अदालतले २०६४ सालमा उनीसँगै जोडिएका गणेशलामा सहित ४ जनालाई सफाई दिएको थियो । तर नेपाल सरकार बादी बनेर मनाङ्गेविरुद्ध पुनरावेदन पुगेको थियो । त्यतिबेला नै ५ वर्षे जेल सजायँ पाएका मनाङ्गेको मुद्दामा सर्वोच्चले पुनरावेदनको आदेशलाई नै सदर गरिदिएर मनाङ्गेलाई सांसदबाट कैदी बनाइदिएको छ ।
