भक्तपुर , ३ माघ सरकारले लामो समयपछि सातवटै प्रदेशको प्रमुख र अस्थायी मुकाम तोकेको छ । प्रधानमन्त्री निवास बालुवाटारमा बसेको मन्त्रिपरिषद बैठकले प्रदेशहरुको प्रमुख र अस्थायी मुकाम तोकेको हो ।
यस अघि उच्च अदालत राख्ने भनिएको शहरलाइ प्रदेश राजधानी तोक्ने गृहकार्य गरेको सरकारले एक बाहेक सबै केन्द्र तराई झारेको छ । सरकारले प्रदेश १ को विराटनगर, २ को जनकपुर, ३ को हेटौंडा, ४ को पोखरा, ५ को रुपन्देही, ६ को सुर्खेत र ७ को धनगढीलाई अस्थायी मुकाम तोकेको छ ।
यस अघि ३ नम्बर प्रदेशको केन्द्र भनेर सिफारिस गरिएको भक्तपुर र ५ नम्बरको दाङ र ७ का दिपायलबासी दुखि भएका छन भने १ नम्बर प्रदेश राजधानी धनकुटा हुनुपर्ने माग राख्दै १ महिनादेखि आन्दोलनरत धनकुटावासी पनि हेरेको हेर्यै भएका छन ।
उम्मेदवारहरुले प्रदेश राजधानी बनाउने मुद्दालाई जनतासामु राखेकोले राजधानीको लोभ जनताहरुलाई जागेको थियो । प्रदेश राजधानी माग गर्दै ठाउ-ठाउमा आन्दोलनहरु हुदै आएका थिए ।
सरकारको आजको निर्णयसंगै लामो समयदेखिको रिक्तता दुर भएको छ । सरकारले अस्थायी केन्द्रका साथै अस्थायी प्रदेश प्रमुख पनि तोकेको छ ।
जसअनुसार १ मा गोविन्द सुब्बा, २ मा रत्नेश्वरलाल कायस्थ, ३ मा अनुराधा कोइराला, ४ मा बाबुराम कुँवर, ५ मा उमाकान्त झा , ६ मा दुर्गाकेशर खनाल र प्रदेश सातमा मोहनराज मल्ल प्रदेश प्रमुखमा नियुक्त भएका छन् ।