News Portal

  • ३ नम्बर प्रदेशका १२ जिल्लाले भक्तपुर केन्द्र खोजेको सांसद बस्नेतको दावी

    इभक्तपुर संवाददाताभक्तपुर,५ माघ
    १२७९ पटक
    भक्तपुर,५ माघ

    भक्तपुर । प्राविधिक समितिले ३ नम्बर प्रदेशको केन्द्र भक्तपुर सिफारिस गरेकोमा सरकारले हेटौडा तोकेपछि भक्तपुरमा यसको बिरोध भएको छ । नेमकिपाका अलावा भक्तपुरका प्रमुख दलहरु सरकारी निर्णयको बिरोधमा उत्रिएका छन ।

    बिहीवार भक्तपुरको विभिन्न चोकहरुमा स्व: स्फुर्त रुपमा जम्मा भएका स्थानीयहरुले सरकारले निर्णय सच्यानुपर्ने माग राख्दै सडकमा धर्ना दिदा यातायात अवरुद्ध हुन् पुगेको थियो । जिल्ला समन्वय समिति भक्तपुर र मध्यपुरथिमि नगरपालिकाको नेतृत्वमा प्रदेश राजधानी भक्तपुर हुनुपर्ने माग गर्दै आन्दोलन शुरु भएको हो ।

    सानोठिमी चोकमा मध्यपुरथिमि नगरपालिकाका प्रमुख मदनसुन्दर श्रेष्ठको नेतृत्वमा मध्यपुरथिमि, चाँगुनारायण र सूर्यविनायक नगरपालिकाका जनप्रतिनिधि, विभिन्न राजनीतिक दलका प्रतिनिधि, कर्मचारी, बुद्धिजीवी र स्थानीय बासिन्दाले सडक मै धर्ना दिई प्रदर्शन गरेका थिए ।

    कार्यक्रममा विरोधपछि भएको कोणसभामा बोल्दै भक्तपुर २ का प्रतिनिधिसभा सदस्य एवं पूर्वमन्त्री महेश बस्नेतले सरकारले आफैले खटाएको प्राविधिक टोलीको सिफारिससमेत लत्याएर अन्याय गरेको दावी गरे । ३ नम्बर प्रदेशका १२ जिल्लाले भक्तपुरलाई केन्द्र स्वीकार गरेको जिकिर गर्दै बस्नेतले देउवा सरकारले तोकेको प्रदेश कसका लागि भएको भन्दै प्रश्न गरेका थिए ।

    सरकारले गरेको निर्णय तत्काल नसच्याए आन्दोलनबाट सच्याउन बाध्य पार्ने बताउदै बस्नेतले भक्तपुरमा आन्दोलनको शुरुवात भएको उद्घोष गरे ।

    भक्तपुरले प्रदेश राजधानी माग्दै आन्दोलन शुरु गरिसकेकाले प्रधानमन्त्री, विभिन्न पार्टीका अध्यक्षलाई ज्ञापनपत्र बुझाउने, प्रतिनिधि तथा प्रदेश सदस्यसँग छलफल गर्ने र थप आन्दोलनका कार्यक्रम घोषणा गरिने जिल्ला समन्वय समितिका संयोजक नवराज गेलालले जानकारी गराए । कार्यक्रममा जनप्रतिनिधिहरुका साथै दलका प्रतिनिधिहरु र बुद्धिजीवीहरुले भक्तपुरलाइ प्रदेश राजधानी बनाउन माग गरेका थिए ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...