इभक्तपुर संवाददाताभक्तपुर, ५ माघ
भक्तपुर, ५ माघ सिर्जनानगरमा गएराति भएको सवारी दुर्घटनामा परि १ जनाको मृत्यु भएको छ भने ४ घाइते भएका छन् । मृत्यु हुनेमा दोलखा भिमेश्वर नगरपालिका-१३ का ३५ वर्षीय रोशनकुमार बस्नेत रहेका छन ।
बिहीवार राती ९ बजे काठमाडौंबाट भक्तपुरतर्फ आउदै गरेको अवस्थामा उनी सवार मोटर साइकल अर्को ७०४६ नम्बरको मोटरसाइकल सहित एक ट्याक्सीको पछाडी ठोकिएको थियो । गम्भीर घाइते बस्नेतको भक्तपुर अस्पतालमा मृत्यु भएको हो ।
दुर्घटनामा सोही मोटरसाइकल पछाडि बसेका काभ्रे कोशीपारी-८ का केदार खनाल, ७०४६ नम्बरका मोटरसाइकल चालक दोलखा शैलुङ गाउँपालिकाका मनोज योञ्जन र रामेछापका धावा मोक्तान घाइते छन । घाइते सबैको भक्तपुर अस्पतालमा उपचार भइरहेको छ । दुर्घटनामा संलग्न तीनवटै सवारी साधनलाई प्रहरी वृत जगातीले नियन्त्रणमा लिएको प्रहरीले जानकारी गराएको छ ।