भक्तपुर, ७ माघ सिद्धार्थ बैंकले गठ्ठाघरस्थित आफ्नो शाखालाई स्थानान्तरण गरेको छ । गठ्ठाघरको बस स्टेसनसंगै रहेको सुविधासम्पन्न भवनमा शाखा सारिएको हो ।
आइतवार नयाँ भवनमा शाखाको शुभारम्भ समेत गरिएको छ । बैंकका गठ्ठाघर शाखाका व्यवस्थापक रोशन पराजुलीले इभक्तपुरसंग कुरा गर्दै नयाँ भवन पर्याप्त पार्किङ्ग र ग्राहकमैत्री वातावरणसहितको सुविधासम्पन्न भएको भनेका छन ।
पराजुलीले नयाँ शाखामा सरेपछि आफ्ना ग्राहकहरुको ठाँउ साघुरो भएको भन्ने गुनासो समाप्त भएको दावी समेत गरे ।
यो शाखा मार्फत बैंकका अन्य शाखाहरुबाट जस्तै सर्वसाधारण तथा उद्यमीले सबै प्रकारका निक्षेप तथा कर्जा कारोवार सुविधा, रकम भुक्तानी लगायत सम्पूर्ण बैंकिङ्ग सेवा प्राप्त गर्न सक्ने बैंकले जनाएको छ ।
यसैबीच सिद्धार्थ बैंकले सुनसरीको गढि गाउँपालिका, काभ्रेको रोसी गाउँपालिका, रुपन्देहिको मर्चवारी गाउँपालिका र तनहुँको देवघाट गाउँपालिकामा एकै साथ ४ वटा शाखा स्थापना गरेको छ ।
हालै सञ्चालनमा आएका शाखाहरु सहित बैंकले देशभर ३ एक्स्टेन्सन् काउन्टर, ८६ वटा शाखा, १०५ एटिएम, ९९ शाखारहित बैंकिङ्ग सेवा र ६५० भन्दा बढी एइक् मेसिन मार्फत् उच्चस्तरिय बैैकिङ्ग सेवा प्रदान गर्दै आएको छ । आर्थिक वर्ष २०७४/०७५ को पौष मसान्तसम्म बैंकले कुल निक्षेप रु. ८५ अर्ब ५७ करोड र कर्जा लगानी रु. ७६ अर्ब ९५ करोड गरेको छ ।