News Portal

  • एमालेले टुंगो लगायो रास्ट्रिय सभाका उम्मेदवार : नामावलीसहित

    काठमाडौँ, ९ माघ
    ८१४ पटक
    काठमाडौँ, ९ माघ

    एमालेले राष्ट्रिय सभा निर्वाचनका लागि प्रदेश नम्बर ५, ६ र ७ का १३ उम्मेदवारको नाम टुंगो लगाएको छ । सोमबार राति अबेरसम्म बसेको स्थायी समिति बैठकले तीनवटा प्रदेशका उम्मेदवारको टुंगो लगाएको हो । निर्वाचन आयोगको कार्यतालिकाअनुसार बुधबार उम्मेदवारी दर्ता हुँदै छ ।

    एमालेले प्रदेश ५ मा चार, ६ मा पाँच र ७ मा चार उम्मेदवार उठाउँदै छ । त्यस्तै, प्रदेश नम्बर १ मा पाँच, २ मा एक, ३ मा ६ र ४ नम्बरमा चार उम्मेदवार उठाउँदै छ । बाँकी उम्मेदवारको नाम मंगलबार सार्वजनिक गर्ने एमालेको तयारी छ । बैठकले वाम कार्यदलको सिट बाँडफाँड प्रतिवेदन अनुमोदन गरेको छ । कार्यदलको बाँडफाँडअनुसार एमालेले २९ र माओवादी केन्द्रले १४ सिटमा उम्मेदवारी दिँदैछन् ।

    सिलवालको नाममा ‘रेड कर्नर नोटिस’ प्रति आपत्ति
    एमालेले ललितपुरबाट निर्वाचित सांसद नवराज सिलवाललाई पक्राउ गर्न डिफ्युजन नोटिस जारी गरिएकोमा गम्भीर आपत्ति प्रकट गरेको सचिव तथा प्रचार विभागका प्रमुख योगेश भट्टराईले बताए । जनताबाट निर्वाचित प्रतिनिधिलाई नियोजित रूपमा फसाउने उद्देश्यले शेरबहादुर देउवा नेतृत्वको सरकारको दबाबमा नोटिस जारी गरिएको भन्दै एमालेले पक्राउ गरिए गम्भीर परिणाम भोग्नुपर्ने चेतावनीसमेत दिएको छ ।

    ‘इन्टरपोललाई समेत अतिरञ्जित सूचना दिई भइरहेका यस्ता क्रियाकलापले जनताको अभिमतलाई अपमानित गरेको र नवनिर्वाचित जनप्रतिनिधिविरुद्ध भइरहेका यी गतिविधि पूर्वाग्रह र प्रतिशोधबाट निर्देशित छन् भन्ने निष्कर्षसहित बैठकले सरकारलाई यस्ता गतिविधि बन्द गर्न ध्यानाकर्षण गरेको छ,’ सचिवालय सचिव प्रदीप ज्ञवालीद्वारा जारी विज्ञप्तिमा भनिएको छ ।

    ओलीको ‘ब्रिफिङ’पार्टी एकता सकारात्मक दिशामा
    बैठकमा अध्यक्ष ओलीले पार्टी एकताका सन्दर्भमा माओवादी केन्द्रका अध्यक्ष प्रचण्डसँग भएको ‘वान टु वान’ भेटवार्ताको ब्रिफिङ गरेका थिए । एकीकृत पार्टीले समाजवादउन्मुख कार्यदिशा अपनाउने समझदारी भइसकेको जानकारी दिँदै उनले सांगठनिक एकताका सन्दर्भमा समेत करिब–करिब समझदारी भइसकेकाले अन्तिम रूप दिन मात्रै बाँकी रहेको जानकारी गराएका थिए ।

    ‘छिट्टै पार्टी एकता हुनेगरी प्रचण्डसँगको छलफल धेरै सकारात्मक दिशामा अघि बढेको छ, समाजवादउन्मुख कार्यदिशा अपनाउने समझदारी भइसकेको छ,’ ओलीको भनाइ उद्धृत गर्दै सचिव भट्टराईले भने । ओलीले सिंगो पार्टी पंक्तिलाई एकीकरण प्रक्रियालाई बल पु¥याउने गरी काम गर्न निर्देशनसमेत दिएका छन् ।

    एमालेले टिकट दिएका उम्मेदवारहरू नयाँ पत्रिकाबाट

    प्रदेश नम्बर ५
    १. रामलखन हरिजन (दलित), पश्चिम नवलपरासी
    २. खिमलाल भट्टराई (खुला), रूपन्देही
    ३. मीना बुढा (महिला), रोल्पा
    ४. कोमल वली (महिला), दाङ

    प्रदेश नम्बर ६
    १. कविता बोगटी (महिला), हुम्ला
    २. नन्दा शर्मा (महिला), सुर्खेत
    ३. नरपति लोहार (दलित), कालिकोट
    ४. भैरवसुन्दर श्रेष्ठ (खुला), जाजरकोट
    ५. ठगेन्द्र पुरी (खुला), पश्चिम रुकुम

    प्रदेश नम्बर ७
    १. कमला ओली (महिला), कैलाली
    २. इन्दु कडेरिया विष्ट (महिला), कञ्चनपुर
    ३. शेरबहादुर कुँवर (खुला), अछाम
    ४. चक्रप्रसाद स्नेही (दलित), डडेलधुरा

    प्रतिकृया दिनुहोस्

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...

    टिप्परमा स्कुटी ठोक्किँदा २१ वर्षीय युवकको निधन

    भक्तपुरमा टिप्परको पछाडि ठोक्किएर दुर्घटनामा परेका स्कुटी चालकको ज्यान गएको छ । ज्यान गुमाउनेमा तेह्रथुम...

    प्रदेशमा भक्तपुरका सांसद थापामगरको मन्त्री पद सुनिश्चित, श्रेष्ठको पनि सम्भावना कायमै

    भक्तपुर-२ (क) सूर्यविनायक क्षेत्रबाट निर्वाचित प्रदेश सभा सदस्य किरण थापामगर र भक्तपुर-१ (क) चाँगुनारायण क्षेत्रबाट...

    सत्ताका लागि खेलोफड्को गर्ने र अस्थिरताको दोष व्यवस्थालाई दिने भन्दै नेपालको कटाक्ष

    नेकपा एकीकृत समाजवादीका अध्यक्ष माधवकुमार नेपाल संसदमा बोल्दै थिए । प्रधानमन्त्री केपी ओलीले आफ्नो पक्षमा...

    प्रधानमन्त्री ओलीले पाए विश्वासको मत

    प्रधानमन्त्री केपी शर्मा ओलीले विश्वासको मत पाएका छन् । प्रतिनिधि सभाको आजको बैठकमा प्रधानमन्त्री ओलीले...