भक्तपुर, १० माघ नेपाली काँग्रेस जनमतको लागि नेकपा एमालेमाथि जाइलागेको छ । एमालेले बृद्ध भत्तालाई राजनीतिको हतियार बनाएको आरोप लगाउदै आएको काँग्रेसले उसकै एजेन्डा प्रयोग गरि प्रहार गरेको हो ।
बुधवार साँझ प्रधानमन्त्रीको सरकारी निवास बालुवाटारमा बसेको मन्त्रिपरिषद्को बैठकले वृद्धभत्ता पाउने ज्येष्ठ नागरिकको उमेर ७० वर्ष राखिएकामा त्यसलाई घटाएर ६५ वर्ष (महिला पुरूष दुवै) सम्मलाई दिने निर्णय गरेको हो ।
काँग्रेसले एमालेलाई माथ दिन यस्तो निर्णय गरेको हो । एमालेले प्रत्यक निर्वाचनमा वृद्धभत्तालाई भजाउदै मत माग्दै आएकोले एमालेको मुख बन्द गर्न काँग्रेस ले यस्तो निर्णय गरेको देउवा निकट स्रोतको दावी छ ।
त्यसैगरी मन्त्रिपरिषद्ले भूकम्पपीडित र बाढीपीडितले पाइरहेको राहत रकममा रु एक लाख थप गर्ने निर्णय गरेर भुकम्प पीडितको मन जित्ने प्रयास गरेको छ। त्यतिमात्र होइन , सरकारले महिला स्वास्थ्य स्वंयमसेविकाको वृद्धि विकासका लागि आर्थिक रकम थप गर्नेसमेत निर्णय गरेको छ । देशमा ठुलो संख्यामा रहेका महिला स्वास्थ्य स्वंयमसेविकाहरुको लागि निर्णय गरेर देउवा सरकार रणनीतिक रुपले एमालेमाथि जाइलागेको हो ।
सरकारले निजी व्यवसाय दर्ता गर्ने महिला, दलित, विपन्न वर्गको परिचयपत्र भएको व्यक्तिले निजी फर्म दर्ता गर्दा रू एक करोडसम्मको पुँजी भएको फर्मलाई शून्य दस्तुर र सोभन्दा माथिको कम्पनी वा फर्म दर्ता गर्दा ५० प्रतिशत दस्तुर छुट दिने व्यवस्था मिलाउने निर्णय समेत गरेको छ ।