भक्तपुर, १२ माघ
भक्तपुर, १२ माघ पेप्सिकोलास्थित छाप्रोमा ट्रिपरको ठक्करबाट एकजनाको मृत्यु भएको छ । शुक्रवार बिहान बा. ३ ख ३४१६ नम्बरको ट्रिपरले ठक्कर दिँदा गम्भीर घाईते भएका अन्दाजी ६५ बर्षका पुरुषको उपचारको क्रममा मृत्यु भएको महानगरीय प्रहरी वृत बानेश्वरका डिएसपी रवी पौडेलले जानकारी दिए ।
सीभिल हस्पिटल बानेश्वरमा उपचारको क्रममा मृत्यु भएका पुरुष ब्यक्तिको नाम ठेगाना खुल्न सकेको छैन् । प्रहरीले बटुकभैरव निर्माण सेवाको स्वामित्वमा रहेको ट्रिपर र चालक सन बहादुर लिम्बुलाई नियन्त्रणमा लिएको छ ।
‘चालक र गाडी नियन्त्रणमा लिएका छौं’ डिएसपी पौडेलले भने, ‘यसबारे थप अनुसन्धानको कार्य भईरहेको छ ।’