News Portal

  • भक्तपुरको लिटिल वर्ल्डमा ‘प्रतिभाको आँगन’ , वीतिकाले मारिन् बाजी

    इभक्तपुर संवाददाताभक्तपुर, १३ माघ
    १०५२ पटक
    भक्तपुर, १३ माघ

    लामो समयदेखि निरन्तरता पाइरहेको टेलिभिजन कार्यक्रम ‘प्रतिभाको आँगन’ ले दुधपाटीस्थित लिटिल वर्ल्ड इङ्लीस स्कूलमा प्रतियोगितात्मक नृत्य कार्यक्रम सम्पन्न गरेको छ । बिभिन्न चरणमा प्रतिस्पर्धा गराइएको कार्यक्रमको शुक्रवार अन्तिम प्रतिस्पर्धा सकिएको हो ।

    कक्षा १ देखि कक्षा ९ सम्म अध्ययरत विद्यार्थीहरुको सहभागीता रहेको प्रतिभाको आँगन कार्यक्रममा पहिलो अडिसनमा ४० जना प्रतियोगीहरुबाट सेमीफाइनल राउण्डमा २७ जना प्रतियोगी छनौट भएका थिए भने फ़ाइनलमा १३ जनाले मात्र प्रवेश पाएका थिए ।

    फाइनल राउण्डका लागि छनौट भएका १३ प्रतियोगीहरु मध्ये उक्त विद्यालयमा कक्षा ८ मा अध्ययनरत विद्यार्थी वितिका श्रेष्ठले प्रथम स्थान हासिल गरेकी छिन । इभक्तपुरसंग कुरा गर्दै वीतिकाले विद्यालयले आफ्नै आँगनमा प्रतिष्ठित कार्यक्रम ‘प्रतिभाको आँगन’ लाई बोलाएर प्रतिभा प्रस्तुत गर्न दिएकोमा खुशी लागेको बताइन् ।

    त्यसै गरी कक्षा ५ मा अध्ययनरत विद्यार्थी रीतिसा के. सी. र ६ मा अध्ययनरत सोनु खत्रीले क्रमश द्वीतिय र तृतीय स्थान हासिल गरे । प्रतियोगिताको फाइनल सम्म ४ जना छात्र पुग्न सफल भए पनि उपाधी हात पार्न भने सकेनन । उनीहरुले सान्त्वनामा चित्त बुझाए ।

    फाइनल कार्यक्रमसम्म पुगेका कक्षा १ का छात्राद्वय सफलता घिमिरे र श्रीद्धि कार्की पनि सान्त्वना मै सीमित बने । उनीहरुले सानै उमेरमा देखाएको प्रतिभाले सबैको ध्यान आकृष्ट गर्न सफल भएका थिए ।

    एनटीभी प्लसमा हरेक सोमवार राती ९ः३० बजे प्रशारण हुने लोकप्रिय कार्यक्रम ‘प्रतिभाको आँगन’ को टोली विद्यालयमा नै आएर बालबालिकाको प्रतिभा उजागर गर्नु निकै महत्वपूर्ण कार्य भएको र हरेक विद्यालयहरुमा यस किसिमको ट्यालेन्ट शो गर्न सके विद्यार्थीहरुको लुकेको प्रतिभा प्रस्फुटनमा सहयोग मिल्ने लिटिल वर्ल्ड इङ्लीस स्कूलका प्रिन्सिपल रुपेन्द्र पोखरेलले बताए ।

    कार्यक्रम ‘प्रतिभाको आँगन’ मा नृत्य निर्देशक संघ नेपालका केन्द्रिय उपाध्यक्ष प्रदिप श्रेष्ठ र नृत्य निर्देशक संघ भक्तपुर शाखाका अध्यक्ष द्वारिका अधिकारीले निर्यायकको भूमिका निभाएका थिए । कार्यक्रमको व्यवस्थापन सुरेन्द्र श्रेष्ठको रहेको थियो भने ऋषिकेश श्रेष्ठले निर्देशन र संचालन गरेका थिए ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...