News Portal

  • घुमघाम र अतिथि सत्कारमा १ महिनामै सकियो पौने २ करोड

    भक्तपुर, १४ माघ
    ६१९ पटक
    भक्तपुर, १४ माघ

    राज्यका विभिन्न निकायले एक महिनामा राज्यकोषबाट भ्रमण र अतिथि सत्कारका लागि मात्रै १ करोड ७० लाख रुपैयाँ खर्च गरेका छन् ।

    अर्थ मन्त्रालयका अनुसार पुस महिनामा मात्र राष्ट्रपति, प्रधानमन्त्री, मन्त्री र विभिन्न निकायका प्रमुखको भ्रमण खर्चका लागि राज्यकोषबाट उक्त रकम निकासा भएको हो ।

    अर्थ मन्त्रालयबाट पुस महिनामा भएको निकासा तथा रकमान्तर विवरणअनुसार भ्रमण तथा स्वागत खर्चका लागि सबैभन्दा बढी रकम निकासा माग्ने निकाय राष्ट्रपति कार्यालय हो ।

    राष्ट्रपतिको नेतृत्वमा २७ मंसिरदेखि युएईमा गएको भ्रमण दलका लागि मात्र ७७ लाख ८२ हजार रुपैयाँ परराष्ट्र मन्त्रालयको नाममा निकासा भएको छ । प्रधानमन्त्री र मन्त्रीले पनि एक महिनाको अवधिमा जिल्ला भ्रमण खर्चमा ५० लाख रुपैयाँ सकाएका छन् ।

    बाढीपीडितलाई १ अर्ब ४ करोड निकासा
    अर्थ मन्त्रालयका अनुसार गत साउनमा आएको भीषण वर्षा र त्यसपछि आएको बाढीबाट पूर्ण रूपमा घर क्षति भएका परिवारलाई राहत वितरण गर्न १ अर्ब ४ करोड रुपैयाँ रकमान्तर निकासा भएको छ ।

    सम्बन्धित विपद् व्यवस्थापन समितिले यकिन गरेको तथ्यांकका आधारमा दोहोरो नपर्ने गरी रकम वितरण गर्ने गरी राष्ट्रिय पुनर्निर्माण प्राधिकरणका नाममा उक्त रकमान्तर निकासा गरिएको हो ।

    पुस महिनामै सरकारले सातवटा प्रदेशमा व्यवस्थापिका तथा कार्यपालिका सञ्चालनका लागि अस्थायी कार्यालय र आवास भवन व्यवस्थापन गर्न १ अर्ब ५ करोड रुपैयाँ रकमान्तर निकासा गरेको छ । यो रकम हरेक प्रदेशलाई १५–१५ करोड रुपैयाँका दरले वितरण गरिएको अर्थ मन्त्रालयले जानकारी दिएको छ । (नयाँ पत्रिका दैनिक)

    प्रतिकृया दिनुहोस्

    लिटिल वर्ल्ड स्कूलका विद्यार्थीले बनाए य:मरी

    भक्तपुर नगरपालिका वडा नम्बर १ दुधपाटीस्थित लिटिल वर्ल्ड स्कूलका विद्यार्थीहरुले य:मरी बनाएका छन् । नेवा:...

    मध्यपुरमा पत्रकारको सांस्कृतिक पदयात्रा

    मध्यपुर सञ्चार समाजको आयोजनामा मध्यपुर थिमिमा पत्रकारले सास्कृतिक पदयात्रा सम्पन्न गरेका छन् । य:मरी पुन्हीको...

    भक्तपुर अस्पतालका अध्यक्ष सुवाललाई पितृशोक

    भक्तपुर अस्पताल ब्यवस्थापन तथा संचालक समितिका अध्यक्ष मिलन सुवाललाई पितृशोक परेको छ । नेकपा एमाले...

    कृषि अर्थतन्त्रको विकासमा ज्यापू समुदायको भूमिका महत्त्वपूर्ण : प्रम देउवा

    प्रधानमन्त्री शेरबहादुर देउवाले मेहनती र इमान्दार समुदायका रूपमा परिचित ज्यापू समुदाय नेपाली समाज र संस्कृतिको...

    चिनियाँ अस्पतालमा वर्षमान पुनको उपचार सुरु

    नेकपा माओवादी केन्द्रका उपमहासचिव वर्षमान पुनको उपचार सुरु भएको छ । चीनको सेनजेनस्थित थर्ड पिपुल्स्...