नेकपा एमालेका अध्यक्ष केपी शर्मा ओली प्रचण्ड संग आक्रोसित बनेका छन । आफ्नो पार्टी भित्र प्रचण्डले खेल्न खोजेको भन्दै उनी आक्रोसित बनेका हुन् ।

गुट नै गुटको पार्टी भनेर पनि चिनिने एमालेमा अध्यक्ष ओली गुट बलियो मात्र छैन कि अरुलाई पेलेर अघि बढ्न सफल हुदै आएको छ । यस्तोमा प्रचण्डले अन्य गुटलाई पनि स्पेस दिएपछि ओली शशंकित बनेका छन । ”ओली कमरेड माओबादी केन्द्र आफ्नै वरिपरी होस् भन्ने चाहनुहुन्छ तर प्रचण्ड ओभर स्मार्ट बनिरहेको कारण शंका उत्पन्न भएको छ ।” ओली निकट एक नेताले जानकारी गराए ।

प्रचण्डनिकट केहि अनलाइन पत्रिकाहरुले एमालेमा उनको प्रभाव बढेको बताएपछि पनि उनी झस्केका हुन् । प्रचण्ड हावी भए आफुहरुलाई अप्ठ्यारो हुने भन्दै उनी प्यानलका नेताहरुले चेतावनी दिएपछि ओली झन् अप्ठ्यारोमा परेको श्रोतको दावी छ । एकता बिरोधी हुन पनि नसकिने एकता गरौ आफैलाई काउसो होला जस्तो भो भन्दै उनले आफु निकटका नेताहरुलाई सान्त्वना दिदै आएको बताइएको छ ।

खासगरी नेता बरिष्ठ नेता माधवकुमार नेपाल र अध्यक्ष ओलीपक्षबीचको तिक्तताका कारण पार्टी एकतामा तगारो लागेको छ । नेपाल पक्ष प्रचण्ड पार्टीको स्वागत गर्न लालाहित भएको देखेर पनि ओली प्यानल दोधारमा देखिएको छ । नेपाल पक्षले प्रचण्डको साथ् पाए आफुहरुको दुखका दिन शुरु हुने भन्दै ओलीको कान भर्ने नेताहरुको कारण ओली दबाबमा रहेको देखिएको छ ।

अध्यक्ष तहमा भएका गोप्य छलफलहरु प्रचण्डले अन्य नेताहरुलाई बताउने गरेकोले पनि प्रचण्डसंग दिल खोलेर कुरा गर्न सकिने अवस्था नरहेको ओली निकट एक नेताले बताए । प्रचण्डले आफुलाई भन्दा बढी नेता नेपाललाई नजिकको ठानेको थाहा पाएपछि प्रचण्डलाई पद बाँडफाँडबारे दिएको वचनबाट ओली पछि हटेका छन् ।

माधव नेपाल प्रचण्डको पारिवारिक तहमै पुगेको ओलीले पछि मात्र थाहा पाएका हुन् । प्रचण्डले आफ्नो परिवारको सुख दुखको शेयर र सल्लाह गर्ने गरेका माधब नेपाल पार्टी एकता संगै पावरमा आउने कुरा थाहाँ पाएसंगै एकतालाइ आेलीले पचाउन सकेका छैनन् । उनी यतिबेला एकता नगर्ने बहाना खोजिरहेको स्रोतको दाबी छ । यता प्रचण्ड भने राजनीतिलाइ नै दाउमा राखेर एकताको रटान लगाइरहदा पनि एकता हुन नसक्दा सकसमा देखिएका छन् ।