News Portal

  • राधे राधेबाट रंगेहात समातिए प्रहरी जवान

    इभक्तपुर संवाददाताभक्तपुर, १८ माघ
    ९८४ पटक
    भक्तपुर, १८ माघ

    महानगरिय प्रहरी प्रभाग दधिकोट, भक्तपुरमा कार्यरत प्रहरी जवान उमेशकुमार थापा अख्तियारको फन्दामा परेका छन् । सेवाग्राही संग घुस लिदालिदै उनी रंगेहात पक्राउ परेका हुन् ।

    प्रहरी कार्यालयमा परेको दुर्घटना सम्बन्धी उजुरी मिलाईदिने प्रयोजनको लागी सेवाग्राहीसँग घुस रकम माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको बिशेस टोलीले उनलाई नियन्त्रणमा लिएको हो । अख्तियारको कार्यालय टङ्गालबाट खटीइ आएको टोलीले थापा लाई रु.१८,०००।– (अठार हजार ) घुस रकम सहित नियन्त्रणमा लिएको छ ।

    मध्यपुर थिमी नगरपालिका वडा नं.९ राधेराधेस्थित भाटभटेनी सुपरमार्केट नजिकबाट थापालाइ नियन्त्रणमा लिइ अनुसन्धान भइरहेको अख्तियार दुरुपयोग अनुसन्धान आयोगले जानकारी गराएको छ ।

    अपडेट : यसरी भयो घटना

    गत साता भक्तपुरको दधिकोट नजिकै सडक किनारमा स्कुटर रोकेर एक प्रहरी जवान उभिइरहेका थिए। यत्तिकैमा एउटा टिप्पर आयो। साँघुरो सडकमा गाडी पास हुन गाह्रो भएपछि चालकले भने, ‘किचिदिऊँ तेरो स्कुटर’

    टिप्पर चालकको शब्दले प्रहरी जवान झोक्किए। दुईबीच भनाभन भयो। रिसको आवेगमा ती प्रहरी जवानले टिप्परको ‘साइड मिरर’ फुटाइदिए। दुईबीच हात हालाहाल नै भयो। झगडापछि टिप्पर चालक उजुरी लिएर नजिकैको महानगरीय प्रहरी प्रभाग दधिकोट पुगे। आफ्नो २ लाख रुपैयाँ बराबरको क्षति भएको उनको दाबी थियो।

    प्रहरीले दुई पक्षबीच छलफल गरायो। ८० हजार रुपैयाँमा सहमति भयो। छलफलमा प्रभागका सईले गाडी तोडफोड गर्नेलाई नै अप्रत्यक्ष रुपमा सहयोग गर्दै सहमति गराएका थिए। छलफल गराउनेमा प्रभागका सिपाही उमेशकुमार थापा पनि थिए। आफूले पक्ष लिएर २ लाख तिर्नुपर्नेमा ८० हजारमै मिलाइदिएको भन्दै उनले त्यसवापत आफूलाई सहयोग गर्नुपर्ने भन्दै एमटी शाखामा कार्यरत सिपाहीसँग पैसा माग्न थाले। बारम्बार फोन गरेर पैसा माग्न थालेपछि उनी हैरान भएका थिए।

    पैसा माग्दै तनाव नै दिन थालेपछि उनले बिहीबार जवान थापालाई पैसा लिन बोलाए। पैसा दिनुअघि उनले अख्तियार दुरुपयोग अनुसन्धान आयोगलाई सूचना दिएका थिए। सोहीअनुसार पैसा लिएलगत्तै अख्तियारबाट डिएसपीको कमान्डका खटिएको प्रहरी टोलीले उनलाई भक्तपुरको राधेराधे नजिकैबाट पक्राउ गर्‍यो। प्रहरीसँगै घुस लिने प्रहरीलाई प्रहरीले नै पक्राउ गरेको सायद यो पहिलो घटना हो।

    ‘प्रहरीलाई नै त्यसरी धम्क्याएर घुस माग्ने प्रहरीले अरुलाई कति दुःख दिएका होलान्’, अख्तियारका एक अधिकारी भन्छन्, ‘यो सामान्य घटना हो, तर यसले प्रहरीभित्र रहेको भ्रष्टाचारको प्रस्ट तस्बिर देखाउँछ।’जवान थापा ४ वर्षदेखि सो प्रभागमा कार्यरत थिए। सो घटनामा प्रभागमा सईमाथि पनि प्रहरीले आन्तरिक छानबिन थालेको छ।

    प्रतिकृया दिनुहोस्

    दुर्लभ थापालाई निवासमै पुगी महेश बस्नेतको बधाई

    निर्वाचन क्षेत्र नम्बर २ का प्रतिनिधि सभा सदस्यका निकटत्तम प्रतिस्पर्धी रहेका नेकपा एमालेका उम्मेदवार महेश...

    भक्तपुर-१ मा नेमकिपाका सुवाल तेब्बर भन्दा बढी मतान्तरले बिजयी

    prem suwal

    भक्तपुर क्षेत्र नं. १ मा नेपाल मजदुर किसान पार्टी उम्मेदवार प्रेम सुवालले पुनः विजय प्राप्त...

    भक्तपुर-२ मा दुर्लभ थापाको रोमाञ्चक जीत, पूर्वमन्त्री महेश बस्नेत पराजित

    नेपाली कांग्रेसका जिल्ला सभापति रहेका गठबन्धनका साझा उम्मेदवार दुर्लभ थापाले भक्तपुर-२ मा बिजय प्राप्त गरेका...

    बालेनको हर्कतले देश र जनताको भलो हुँदैन : बस्नेत

    नेकपा एमालेका पोलिट्ब्युरो सदस्य एवं पूर्वमन्त्री महेश बस्नेतले बिकल्प बिना काठमाडौँ महानगरले सुकुम्बासी बस्तीमा डोजर...

    प्रचण्ड सचिवालयको यस्तो सुझाव

    बधाई र शुभकामनाको नाममा खादा माला र समयको बर्बादी नगर्न नेकपा (माओवादी केन्द्र) का अध्यक्ष...

    मोटरसाइकल चोरीमा संलग्न एक पक्राउ

    मोटरसाइकल चोरीमा संलग्न रहेको अभियोगमा एक जनालाई प्रहरीले पक्राउ गरेको छ । चोरी भएको चार...

    सोमबार धनकुटामा भुकम्प

    सोमबार बिहान १० बजेर ४५ मिनेटमा धनकुटाको मूलघाट केन्द्रबिन्दु भएर भूकम्प गएको छ । राष्ट्रिय...

    उत्पादन छ बजार र उचित मूल्य छैन

    ताप्लेजुङको फुङलिङ नगरपालिकास्थित दोखुका राजकुमार गुरुङले यस वर्ष झण्डै ३० क्विन्टल किवी उत्पादन गरेका थिए...