भक्तपुर, २३ माघ टीभी हेर्नेहरुको लागि डिसहोम नयाँ नाम होइन । डिसहोममार्फत कम शुल्कमा १ सय ५० भन्दा धेरै च्यानल हेर्न पाउने भएपछी धेरैको घरमा यतिबेला डिसहोम च्यानल लोकप्रिय बन्दै आएको छ ।
डिसहोम च्यानल सञ्चालनमा आएको ८ वर्ष भएको छ तर भक्तपुरमा भने भर्खरै यसको आधिकारिक डिलर स्थापना भएको छ ।
भक्तपुरको सल्लाघारीस्थित चोङ्गा गणेश चोकमा डिसहोमको आधिकारिक डिलर स्थापना भएको हो ।
सल्लाघारीको चोङ्गा गणेश चोकमा पुरानो थिमी जाने बसस्टेसनसंगै रहेको चोङ्गा गणेश इलेक्ट्रोनिक्स डीस होमको आधिकारीक डिलर भएको बताइएको छ । यस डिलरबाट डिसहोमको नयाँ जडान र रिचार्ज सेवा सहित अन्य सेवाहरु समेत उपलब्ध गराइने डिलर संचालक हरि सिलाकारले इभक्तपुरलाई जानकारी गराए ।
डिसहोमको कारोबार अन्य पसलहरुबाट पनि हुदै आएको र माग बढेपछि भरपर्दो सेवाका लागि कम्पनीले सल्लाघारीमा आधिकारिक डिलर दिएको हो ।
डिसहोमको डिजिटल सिग्नल मार्फत अहिलेसम्म नेपालमा १२ लाख परिवारले टीभी हेरिरहेको कम्पनीको दावी छ । भक्तपुरका डिसहोम प्रयोगकर्ताहरुको लागि सल्लाघारीको डिलरमार्फत भरपर्दो सेवा प्रदान हुने अपेक्षा गरिएको डिसहोमका सेल्स म्यानेजर राम सिलाकार बताउँछन् ।