भक्तपुर, २५ माघ भक्तपुर । जघन्य अपराध मानिने बलात्कारका घटना प्रहरी कार्यालयमा दर्ता हुन् थालेका छन । प्रहरी निश्कृयता र लोकलाजका कारण उजुरी गर्न नचाहने प्रवित्तिले अपराधीहरुको मनोबल बढिरहेको अवस्थामा अचेल धमाधम उजुरी पर्न थालेका छन् ।
भक्तपुरको जगाती वृत्तमा २ दिनमै बलात्कारका ५ उजुरी दर्ता भएको जानकारी प्राप्त भएको छ । जसमध्य एक ५ बर्षिया बालिकासमेत बलात्कारको शिकार भएको पाइएको छ ।
कमलविनायक बस्ने ५ बर्षिय बालिकालाई माया गर्ने बहानामा ललितपुर महानगरपालिका–९ बुङमती घर भै कमलविनायक बस्दै आएका १८ वर्षीय वसन्त तामाङले बलात्कार गरेको बताइएको छ । बालिकाले आफ्नो साथीसंग खेल्दा साथी माथि चढेपछि अभिभावकले शंका लागि सोध्दा तामाङको सिको गरेको पुष्टि भएसंगै घटना बाहिर आएको हो । यसअघि बालिकाले पिसाव गर्दा दुख्ने बारम्बार बताइरहदा पनि अभिभावक यस बिषयमा अनभिज्ञ रहेका थिए भने उनले मेडिकल लगेर उपचार गराएका थिए ।
तामाङले आफ्नो पप्पी सेममा उनको पप्पी सेम जोडेर माया गर्नेगरेको बालिकाले बताएपछि अभिभावक छाँगाबाट खसे झैँ भएको र उजुरी गर्न आइपुगेको प्रहरीले भनेको छ ।
घटना दर्ता हुनासाथ महानगरीय प्रहरी वृत्त जगातीले ललितपुर महानगरपालिका–९ बुङमतीका १८ वर्षीय वसन्त तामाङलाई पक्राउ गरी सोमबार सार्वजनिक गरेको छ । अहिले अदालतबाट म्याद थप भै आवश्यक कारबाही अगाडी बढेको जगाती वृत्तले बतायो ।
यसैबीच आरोपी तामाङका आफन्त र साथीभाइले उजुरी फिर्ता लिन दबाब दिएको देखिएको छ । उजुरी दर्ता गराएकी बालिकाको ६० बर्षिया अभिभावकले उजुरी फिर्ता नलिए ज्यान मार्ने धम्कि दिइएको दुखेसो व्यक्त गरेकी छिन् । ”पहिले पैसा दिन्छु मिलौ भने, मैले नमानेपछि ज्यान मार्ने धम्कि दिएका छन ।” इभक्तपुरसंग उनले भनिन् ।