एमालेले १ नम्बर प्रदेशको संसदीय दलको नेता शुक्रबार छान्दैछ । संसदीय दलको नेता नै भावी मुुख्यमन्त्री हुने भएकोले पनि छनौट पेचिलो बनेको छ ।

मुख्यमन्त्रीको दौडमा रहेका पूर्व मन्त्रीद्वय शेरधन राई र भीम आचार्यलाई अर्का जुझारु नेता जीवन घिमिरेले चुनाैती दिइरहेका छन् । राई अध्यक्ष केपी ओलीको निकट हुन् भने आचार्य झलनाथ खनाल र घिमिरे माधव नेपाल पक्षका मान्छे मानिन्छन् ।
भीम आचार्यले नेपाल पक्षको समर्थन आफुलाई रहेको दाबी गरिरहँदा घिमिरेले मुख्य मन्त्रीको दाबी गरेपछि राइको पल्ला भारी भएको छ । घिमिरेले भने आफुलाई समर्थन गर्न आचार्यलाई भनिरहेका छन् ।

घिमिरेले उम्मेदवारी फिर्ता लिएको खण्डमा मात्र आचार्य जित नजिक देखिन्छन् । यद्यपी युवा र जनजाती भएको भन्दै राइले घिमिरे र आचार्य मिलेपनि आफुले जित्ने दावी गर्दै हिडेको बताइएको छ । तर घिमिरेको होल्डमा धेरै राम्रै मत भएकोले उनी नै निर्णायक हुने देखिएको एमाले निकट एक नेताले जानकारी गराए । ”घिमिरे आफैले जित्ने अवस्था छैन तर उनी जतापट्टी ढल्किन्छन् उसैको जीत सुनिश्चित छ ।” इभक्तपुरसंग उनले भने ।