गएराती बाघको आक्रमणबाट ६ बर्षे बालकको दुखद मृत्यु भएको छ । सुर्यविनायक नगरपालिका-७ गुन्डु खहरेका सुनिल तामाङको ६ बर्षिय छोरा सिरिश तामाङको बाघको आक्रमणमा परि दुखद मृत्यु भएको हो ।

साेमवार (सच्याइएकाे) साँझ बिद्यालयबाट घर फर्केका सिरिश अबेर सम्ममा पनि घर नपुगेपछि खोज्दै जाँदा रगतले लत्पतिएको अवस्थामा उनको कपडा देखेपछि परिवारले प्रहरीलाई खबर गरेको थियो । खबर प्राप्त हुनासाथ जगाती वृत्तका प्रहरी नायव उपरिक्षकको नेतृत्वमा खटिएको प्रहरीको टोलीले बालकलाई बाघको पन्जामा पाएका थिए । कसै गरेपनि बाघले बच्चालाई नछोडेपछि सूर्यविनायक ब्यारेकको नेपाली सेनासमेत परिचालन गरिएको थियो ।

सेना , प्रहरी र स्थानीयले रातको करीब १२ बजे बाघलाई भगाएका थिए । बाघले खादै गरेको बच्चाको शव क्षत विक्षत् अवस्थामा बालकुमारी सामुदायिक बनमा पाइएको एक स्थानीयले जानकारी गराएका छन् । उक्त शवलाई भक्तपुर अस्पतालमा राखिएको प्रहरीले बताएको छ ।

बाघको आक्रमणमा परी बिद्यालयबाट फर्केको बच्चाको मृत्यु भएपछी गुन्डु पूरै गाउँ नै यतिबेला शोकमा डुबेको छ ।