भक्तपुर, २ फागुनभक्तपुरको सृजनानगरमा अरनिको राजमार्ग संगै जोडिएको घरमा बम फेला परेको छ । व्यस्त सडकसंगै भेटिएको २ बटा शक्तिशाली बमलाई नेपाली सेनाको बम डिस्पोजल टोलीले निस्क्रिय पारेको छ ।
पहिले लब्ली गार्मेन्ट भएको घरमा बम फेला परेको हो । उक्त घरको छतमा एनसेलको टावर भएकोले टावरलाइ लक्षित गरि विप्लव नेतृत्वको नेकपाले बम राखेको आसंका गरिएको छ ।
एनसेलमाथि आक्रामक बनेको नेकपाले सोमबार राती उपत्यका लगायत देशभरका २ दर्जन टावरमा एकैचोटी आक्रमण गरेको थियो । अर्बैा राजश्व छलेको भन्दै नेकपाले एनसेल बिरुद्ध बिगतका बर्षदेखि नै आक्रमण गर्दै आएको छ । उसले नेकपाको आव्हानमा स्थानीयले एनसेल बिरोधी गतिबिधि गर्ने गरेको दावी गर्दै आएको छ ।
भक्तपुरको व्यस्त सडक अरनिको राजमार्ग संगै दिउसै बम भेटिएपछि प्रशाशनको सुरक्षा चुनौती बढेको छ । बम डिस्पोज गर्दाको आवाजले मानिसहरु यतिबेला उक्त स्थानको वरिपरी झुम्मिरहेका छन् ।
हाम्रो फेसबुक पेज लाइक गरेर तथा ट्वीटरमा फलो गरेर सामाजिक संजालमै पनि समाचार प्राप्त गर्न सकिन्छ ।