News Portal

  • यसकारण खुसी भए पूर्वराष्ट्रपति यादव

    पत्रपत्रिकामोरङ, ४ फागुन
    ८१० पटक
    मोरङ, ४ फागुन

    पूर्वराष्ट्रपति डा रामवरण यादवले आफूले जारी गरेको संविधान मधेसवादीलगायत सबैतह, तप्काले स्वीकार गरी कार्यान्वयन भएकामा अत्यन्तै खुसी लागेको बताएका छन् ।

    विराटनगरस्थित कोइराला निवासमा बिहीबार पत्रकारसँग कुरा गर्दै उनले जनताको नासो जनतालाई नै सुम्पन पाएकामा खुसी लागेकोबताए । ‘अबको सरकारले मुलुकमा पूर्ण अवधिसम्म काम गर्नेछ,’ उनले भने । सरकारले विपक्षीलगायत सबै दललाई मिलाएर देश र जनतालाई केन्द्रविन्दुमा राखेर काम गर्नेमा आफू विश्वस्त रहेकोसमेत बताए ।

    अहिलेको उपलब्धि प्राप्त गर्न ७० वर्ष लागेकाले यसको संरक्षणका लागि जनताको हितमा काम गर्न उनले आग्रह गरे । ‘अब यहाँका स्रोत र साधन परिचालन गरेर मुलुकलाई समृद्धितर्फ लग्न सुशासन र पारदर्शी तरिकाले कानुनी शासन स्थापना हुनुपर्छ,’ उनले भने ।

    संविधान जारी गर्ने समयमा अझै केही मन्थन गर्न आफूले सुझाव दिएको सम्झिँदै यादवले भने, ‘यो संविधानमा केही त्रुटि भएकैले सरकार गठनमा ढिलाइ भएको हो ।’

    आफू लोकतन्त्रको माध्यमबाट आएको र त्यसप्रति समर्पित भएकाले ९० प्रतिशत सभासदको हस्ताक्षरयुक्त संविधान जारी गरेको बताए ।

    अब जित्नेले घमण्ड नराखी र हार्नेले हतोत्साही नभई सबै मिलेर हिमाल, पहाड, तराई मधेसका सबैलाई समायोजन गर्दै समस्या समाधानमा क्रियाशील भए देश सफल हुनेमा उनले विश्वास व्यक्त गरे ।

    देश अब सफलतातर्फ अगाडि बढनेमा आफू ढुक्क रहेको उनको भनाइ थियो । (कान्तिपुर दैनिक)

    प्रतिकृया दिनुहोस्

    चाँगुनारायणमा मोटरसाइकल दुर्घटना हुँदा पछाडी सवार मानिसको गयो ज्यान

    भक्तपुरको चाँगुनारायण नगरपालिका वडा नं. ७ भद्रकालीमा मोटरसाइकल दुर्घटना हुँदा पछाडी सवार मानिसको ज्यान गएको...

    भक्तपुरमा दिनदहाडै बाघको आक्रमणबाट बालिका घाइते

    भक्तपुरको चाँगुनारायण नगरपालिका वडा नं. ४ साङदह स्थित मामाघरमा बस्दै आएकी एक बालिका बाघको आक्रमण...

    भक्तपुरका सफल व्यवसायी एवं समाजसेवी कासिछ्वालाई मातृशोक

    भक्तपुरका सफल व्यवसायी, युवा समाजसेवी, स्वतन्त्र अभियन्ता एवं खेलाडी श्रीभक्त कासिछ्वालाई मातृशोक परेको छ ।...

    भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन

    भक्तपुर अस्पतालमा करार सेवाको जागिरका लागि ३ दर्जन बढी डाक्टरले आवेदन दिएका छन् । पदपूर्तीका...

    पत्रकार थापालाई पितृशोक

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको...