News Portal

  • सम्पादकीय : आँशुलाई पैसामा ताैलेर राजनीति गर्ने पुरातन सोँचबाट मुक्त हुन सक्नुपर्छ

    घिमिरे संजीप शुभचिन्तकभक्तपुर, ४ फागुन
    ११५४ पटक
    भक्तपुर, ४ फागुन

    सूर्यविनायक नगरपालिका-७ गुन्डुमा गत सोमवार दुखद दुर्घटना भयो । ६ बर्षिय बालक सिरिस तामाङलाई सम्साझै बाघले खाएपछि पूरै गाउँ शोकमा डुब्यो ।

    गुन्डुमा यस अघि पनि यस्ता घटना नभएका होइनन् । बारम्बार घटना दोहोरिरहदा स्थानीयहरू आक्रान्त बनेका छन् तर सरोकारवाला निकायले पर्याप्त पहल गर्न सकेको छैन ।

    प्राणि उद्यान स्थल समेत भनेर प्रचार गरिएको जंगललाई पर्खाल लगाएर राख्नु पर्नेमा सो हुन नसक्दा मानिसहरु बन्यजन्तुका शिकार भैरहेका छन् । एक्लैदुक्लै हिड्न ठूलै साहस गर्नुपर्ने अबस्था छ स्थानियलाइ । स्थानियहरु बिछिप्त र आक्रोशित बनेका छन् ।

    जनताको आक्रोश देखि डराएर सूर्यविनायक नगरपालिकाले बाघलाई चितुवा बनाएको छ । पहिलो दिन बाघले मारेको भन्ने जनप्रतिनिधि अहिले चितुवाले बच्चा मारेको भन्न् थालेका छन् ।  जंगलमा बाघ, चितुवा , स्याल वा कुकुर नै भएपनि नियन्त्रण त आवश्यक होला नि । जनतालाई जंगली जनावरदेखि  सुरक्षित गर्ने दायित्व कस्को हो ? कि अब आदिम काल झै मानिसहरु भाला बोकेर हिड्नुपर्ने हो ?

    बिहीवार सूनपा मृतक बालकको परिवारलाई सान्त्वना दिन घरमै पुग्यो । जनप्रतिनिधिले सूनपाको तर्फबाट रु ५० हजारको चेक पिडित परिवारलाई हस्तान्तरण मात्र गरेनन् , उक्त फोटो सामाजिक संजालमै पोस्त्याउन समेत भ्याएका छन् । जनप्रतिनिधि पिडित परिवारकोमा पुग्नु राम्रो कुरा हो र आर्थिक सहयोग गर्नु पनि परिवारको आवश्यकता हो भने झनै राम्रो हो । तर , फोटो खिचाएर देखाउनका लागि गरिने कृयाकलाप क्षम्य हुदैन । फोटोमा पिडितको आँशु देखाएर जनप्रतिनिधिले के पाउन खोजेका हुन् ? मात्र वाहवाही होइन र ?

    पिडित परिवारलाई पैसा होइन चाहिएको कुरा सुरक्षा हो । यो बिषयमा मौन बसेर नगरपालिका चुकेको छ । अरुको आँशुलाइ पैसामा ताैलेर राजनीति गर्ने पुरातन सोचबाट अबको स्थानीय निकाय र जनप्रनिधिहरु कम्तिमा मुक्त हुन सक्नुपर्दछ ।

    घिमिरे संजीप शुभचिन्तक इभक्तपुर डट कमका सम्पादक हुन् ।

    प्रतिकृया दिनुहोस्

    कान्ति बाल अस्पतालमा अब अनलाइन टिकट

    कान्ति बाल अस्पतालका निर्देशक डा. युवानिधि बसौलाले अस्पतालमा अनलाइन टिकट सुरु गरेको बताका छन् ।...

    बाल्टिनमा डुबेर १७ महिने बालिकाको मृत्यु

    काठमाडौंको धर्मस्थलीमा बाल्टिनमा डुबेर १७ महिने बालिकाको मृत्यु भएको छ । सोमबार काठमाडौं महानगरपालिका धर्मस्थली...

    पेट्रोलियम पदार्थको मूल्य वृद्धि

    सरकारले फेरि पेट्रोलियम पदार्थको मूल्य बढाएको छ । नेपाल आयल निगमले सोमबार राती १२ बजेदेखि...

    बाढीले बगाएको पुल नबन्दा स्थानीयलाई सकस

    कालिकोटमा नरहरिनाथ गाउँपालिको रहगाड झाेलुङ्गे पुल नबन्दा स्थानीयलाई सास्ती भएको छ । २०७७ साल साउन...

    रफतको तेह्रौं वार्षिकोत्सवमा तीनजना पुरस्कृत

    भक्तपुरको सूर्यविनायकस्थित रफत सञ्चार क्लवले २ पत्रकारसहित ३ जनालाई पुरस्कृत गरेको छ । क्लबले आफ्नो...