सोमबार दिउसो इँट्टा भट्टामा काम गर्ने एक मजदूरले आफ्नै अाँखा अगाडी आफ्नो १९ महिने शिशु गुमाउन पुगेका छन् । इँट्टा भट्टामा काम गर्ने मजदूरले टिपरको ठक्करबाट आफ्नो १९ महिने शिशु गुमाउन पुगेका हुन् ।
दिउसो अन्दाजी २:१५ बजेको समयमा चागुनारायण नगरपालिका -८ आरुबारीस्थित देबी ईट्टा भट्टामा यो दुखद घटना भएको हो । बा २ ख १३७८ नं.को टिपरले माटो लोड गर्ने क्रममा चलाउदा बालकलाई ठक्कर दिएपछि दुर्घटना भएको हो ।

दुर्घटनामा जिल्ला रोल्पा ह्याङ्ग- ८ घर भई हाल सोही ईट्टा भट्टामा काम गर्ने देबेन्द्र बुढा मगरको छोरा १९ महिनाको बालक सबिन बुढा मगरको दुखद् मृत्यु भएको प्रहरीले बताएको छ । टिपरले ठक्कर दिँएपछि घाईते भएका बालकलाइ भक्तपुर अस्पताल पुर्याइएको भएपनि अस्पतालले २:४० बजे नै मृत घोषणा गर्यो ।

घटनास्थलमा यतिबेला महानगरीय प्रहरी वृत्त जगाती भक्तपुरबाट प्रहरी टोली खटी गई प्रारम्भिक अनुसन्धान कार्य गरिरहेको छ । सवारी साधन र चालक काभ्रे जिल्ला धुलिखेल नगरपालिका-११ पात्ले खेत बस्ने बर्ष २६ को गोकुल भुजेललाई महानगरीय प्रहरी वृत जगातीले नियन्त्रणमा लिएको र थप अनुसन्धान भैरहेको महानगरीय प्रहरी परिसर भक्तपुरका प्रवक्ता एवम् प्रहरी नायव उपरीक्षक कृष्ण प्रसाइले जानकारी गराएका छन् ।