भक्तपुर, १३ फागुनटिपरको ठक्करबाट एक किसोरको मृत्यु भएको छ । कक्षा ९ मा पढ्दै गरेका विद्यार्थीको टिपरको ठक्करबाट मृत्यु भएको हो ।
मृत्यु हुनेमा बनेपा नगरपालिका–१ का अमीर पाण्डे रहेका छन् । पाण्डे बनेपास्थित ज्ञानकुञ्ज उच्च माध्यमिक विद्यालयको कक्षा ९ मा अध्यनरत थिए ।
आइतवार काभ्रेपलाञ्चोकको नालाबाट भक्तपुर जाने भित्री सडकखण्डअन्तर्गत नाला–भक्तपुरको नालामा बा ४ ख ६६०३ नंम्बरको टिपरले पाण्डे सवार मोतरसाइकलमा ठक्कर दिदा दुर्घटना भएको प्रहरीले बताएको छ ।
नालाबाट बनेपा आउँदै गरेको मोटरसाइकललाई ठक्कर दिँदा मोटरसाइकल चालक पाण्डेले ज्यान गुमाउन पुगे । बनेपास्थित शिरमेमोरियल अस्पतालमा उपचार हुन नसकेपछि थप उपचारका लागि काठमाडौँ ल्याउने क्रममा बाटैमा उनको निधन भएको बताइएको छ ।
दुर्घटना गराउने ट्रीपरसहित चालक प्रहरी नियन्त्रणमा रहेको र थप अनुसन्धान भैरहेको प्रहरीले भनेको छ ।