News Portal

  • १५ हजार भन्दा बढी गीतका गायक उदित नारायणले सम्झे होलीमा आफ्नै घर

    पत्रपत्रिकाकाठमाडौँ, १७ फागुन
    ७५७ पटक
    काठमाडौँ, १७ फागुन

    प्रसिद्ध पाश्र्व गायक उदितनारायण झा एक दशकपछि होली मनाउन आफ्नो गाउँ सप्तरीको भारदह आएका छन् ।

    जेठी श्रीमती रञ्जना झासँगै आएका झा करिब एक साता सप्तरी बस्ने भएका छन् । यस वर्षको होली गाउँमा आफन्तसँगै मनाउने उनले बताएका छन् ।

    उदितलाई भेट्न घरमा आउने गाउँले र प्रशंसकलाई मिठाई खुवाउँदै उनले होलीको शुभकामना दिने गरेका छन् । झा गाउँ आउनेबित्तिकै भारदहस्थित प्रसिद्ध कंकालनी मन्दिरमा पूजा गरे ।

    नेपाली फिल्म कुसुमे रुमालमा अभिनय र गायनबाट प्रसिद्ध बनेपछि बलिउड पुगेका झाले दीपा गहतराजसँग प्रेम विवाह गरेका थिए । जेठी श्रीमती रञ्जनासँग चिसिएको उनको सम्बन्ध हाल सुमधुर भएको पारिवारिक स्रोतले जनाएको छ ।

    जेठी श्रीमती रञ्जनालाई सार्वजनिक रुपमा श्रीमति स्वीकार नगरेपछि उदितविरुद्ध नेपाल र भारतका महिला अधिकारकर्मीले विरोध गरेका थिए ।

    रञ्जनालाई श्रीमति स्वीकार्नुपर्ने भन्दै उनकै गाउँ भारदहमा समेत प्रदर्शन भएपछि उनी घर फर्केका थिएनन् ।

    जेठी श्रीमतीसँग सम्बन्ध सुधार भएपछि घरायसी कामका लागि भारदहस्थित घर आएका उनी बिहारको सुपौल जिल्लास्थित अरर्हा निर्मलीस्थित ससुराली (जेठी श्रीमतीको माइती) पनि पुगेका छन् ।

    सन् १९८८ मा हिन्दी फिल्म कयामत से कयामत तकको ‘पापा कहते है वडा नाम करेगा’ बोलको गीतबाट जमेका उनी लामो समयदेखि भारतको मुम्बईमा बस्दै आएका थिए । उनका दाजुभाइ भने सप्तरीको भारदहमै बस्छन् ।

    सामान्य परिवारमा १ डिसेम्बर सन् १९५५ मा जन्मेका उदितले भारदहमा लाखौं लगानीमा आकर्षक घर बनाएका छन् ।

    घर छेउको इलाका प्रहरी कार्यालय भारदह स्थापना तथा कंकालनी भगवती मन्दिर निर्माणका लागि उनले सहयोग गरेको भारदहका पूर्व गाविस अध्यक्ष पवन मण्डल बताउँछन् ।

    उनले मैथिली, नेपाली, हिन्दी लगायत ३० भाषामा झण्डै १५ हजार भन्दा बढी गीत गाइसकेका छन् । (अन्नपूर्ण पोष्ट दैनिक)

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...