फागु पुर्णिमा (होली) पर्वको अवसरमा हो हल्ला गरि हिड्ने ४४ जना प्रहरीको फन्दामा परेका छन । भक्तपुरका बिभिन्न स्थानबाट ४४ जना प्रहरीको फन्दामा परेका हुन् ।
सार्वजनिक स्थलमा हो हल्ला गरि हिड्नेमा केहि महिलासमेत प्रहरीको नियन्त्रणमा परेका महानगरीय प्रहरी परिसर भक्तपुरका प्रवक्ता कृष्ण प्रसाइले जानकारी गराएका छन । शंकास्पद गतिविधिमा संलग्न भएकोले उनीहरुलाई नियन्त्रणमा लिनुपरेको प्रसाइले प्रस्ट्याएका छन । उनीहरुबारे अनुसन्धान भैरहेको प्रहरीले भनेको छ ।
त्यसैगरी भक्तपुर प्रहरीले ७७ मोटर साइकल नियन्त्रमा लिएको खबर प्राप्त भएको छ । फागु पूर्णिमामा सडक सुरक्षाको लागि खटिएका प्रहरीले ७७ मोटर साइकल नियन्त्रमा लिएका हुन् । ट्राफिक नियम उल्लंघन गरेका कारण यी मोटरसाइकल प्रहरीको नियन्त्रणमा परेका थिए ।