इभक्तपुर संवाददाताभक्तपुर, २३ फागुन
भक्तपुर, २३ फागुनपतन्जली योग समिति नेपालको आयोजनामा योग प्रशिक्षण कार्यक्रम संचालन हुने भएको छ । समितिले योग शिक्षकहरुको लागि प्रशिक्षण कार्यक्रम संचालन गर्न लागेको हो ।
भक्तपुर नगरपालिका र चाँगुनारायण नगरपालिका भित्रका योग शिक्षकहरुको लागि समितिले तय गरेको मापदण्ड वमोजिमको पुनर्ताजगी तालिम कार्यक्रम अन्तर्गत योग प्रशिक्षण संचालन गर्न लागिएको बताइएको छ ।
५ दिन सम्म चल्ने प्रशिक्षण फागुन २७ गतेबाट शुरु हुने पतन्जली योग समिति,भक्तपुरका प्रचार संयोजक नवराज काफ्लेले जानकारी गराएका छन् । प्रशिक्षणमा सहभागी हुन् इच्छुक व्यक्तिहरुले २५ गते भित्र नाम टिपाउन सक्ने काफ्लेले बताए ।