इभक्तपुर संवाददाताभक्तपुर, २८ फागुन
भक्तपुर, २८ फागुन प्रदेश नम्बर ३ का मुख्यमन्त्री डोरमणि पौडेलले सबै सरकारी कार्यालय भ्रष्टाचारी, दलाली र माफियाको अड्डा भएको आरोप लगाएका छन । सरकारी कार्यालयमा सर्वासाधारणको पहुच नभएको जिकिर गर्दै उनले सरकारी कार्यालय भ्रष्टाचारी, दलाली र माफियाका कब्जामा रहेको बताएका हुन् ।
भक्तपुरमा चाँगुनारायण नगरपालिकाको एक कार्यक्रममा आइतवार प्रमुख अतिथिको रुपमा आइपुगेका मुख्यमन्त्री पौडेलले माफियाराजबाट आम जनता आजित बनेको बताए ।
उनले सरकारी कार्यालयमा भ्रष्टाचार सस्थागत भएको भन्दै तलदेखि माथिसम्म पैसा नखुवाई काम नहुने गरेको जिकिर गरे ।
मुख्यमन्त्री पौडेलले सबै सरकारी कार्यालयलाई भ्रष्टाचारी, दलाली र माफियाले कब्जा गरेकोले त्यसको अन्त्य नभई जनताको प्रगती नहुने भन्दै आफु सुशाशनको लागि लागिपरेको दावी गरे ।