कञ्चनपुर, १ चैत कञ्चनपुर – आफूसँग बिहे गर्न नमानेको भन्दै कञ्चनपुरको भीमदत्त नगरपालिकाका एक युवकले छिमेकी गाउँकी युवतीमाथि निर्घात कुटपिट गरेका छन् ।
भीमदत्त नगरपालिका ११ भुजेलाका राकेश चन्दले सोही नगरपालिका ५ वनगाउँकी २३ बर्षकी सुनिता चन्दमाथि बुधबार कुटपिट गरेका हुन् ।
उनले सुनिताको आँखा औंलाले घोचिदिनुका साथै शरिरमा तातो घिउ खन्याइदिएका छन् ।
तातो घिउले शरिरका विभिन्न भाग जलेको छ भने आँखा सुन्निएर टालिएको छ । आजको कान्तिपुरको पृष्ठ ५ मा यो समाचार छापिएको छ ।
समाचारमा लेखिएको छ, महेन्द्रनगरस्थित आँखा अस्पतालमा उपचार हुन नसकेपछि युवतीलाई धनगढीको गेटा आँखा अस्पतिाल रिफर गरिएको छ ।
सुनिताले घटनाबारे भनिन्,
-बुधबार बिहान म आँगनमा थिएँ ।
-अचानक राकेश आयो ।
-अस्ति कोसँग घुम्दै थिइस् भन्दै कुट्दै भित्र लग्यो ।
-त्यसपछि सुरुमै औंलाले आँखा घोचिदियो ।
-म केही नदेख्ने भएँ ।
-आमा छेक्न आउँदा आमालाई पनि कुटपिट गर्यो ।
सुनिताका अनुसार राकेशले ३ महिनाअघि पनि बिवाह गर्न दबाब दिँदै कुटपिट गरेका थिए । त्यतिबेला जिल्ला प्रहरी कार्यालयमा परिवारसहित बसेर मिलापत्र गरिएको उनले सुनाइन् ।
