भक्तपुर, ७ चैत ने.क.पा.एमाले भक्तपुर जिल्ला अध्यक्ष राजेन्द्र राजथलाले पदबाट राजीनामा दिएपछि उपाध्यक्ष रहेका बचन देउजा कार्यवाहक अध्यक्षमा चयन भएका छन ।
बुधवार बसेको जिल्ला कमिटिको बैठकले राजथलाको राजीनामा स्वीकृत गर्दै देउजालाई कार्यवाहक अध्यक्ष चयन गरेको हो ।
सुर्यविनायक स्थित पार्टी कार्यालयमा भएको बैठकमा ७४ जिल्ला सदस्यमा ५८ उपस्थित रहेको र सर्वसम्मत निर्णय अनुसार राजथलाको राजीनामा स्वीकृत र देउजालाई कार्यवाहक अध्यक्ष चयन गरिएको एमाले नेता श्याम बस्नेतले जानकारी गराए ।
बस्नेतले पार्टीभित्र नेतृत्वको बिषयमा कुनै बिबाद नभएको र स्वेच्छाले राजथलाले राजीनामा दिएपछि देउजा चयन भएको जिकिर गरे ।
निवर्तमान अध्यक्ष राजेन्द्र राजथलाको नेतृत्वमा एमालेले भक्तपुरमा राम्रो संगठन बिस्तार गर्न सफल रहेको थियो । स्थानीय तहमा ४ नगरपालिका रहेको भक्तपुरमा भक्तपुर नगरपालिका बाहेक ३ वटै नगरपालिकामा एमालेले मेयर सहित जीतको नतिजा निकालेको छ भने प्रदेश सभामा पनि आफ्ना ४ प्रतिनिधि पठाउन सफल भएको छ । त्यसैगरी प्रतिनिधि सभामा क्षेत्र नम्बर २ का सांसद महेश बस्नेतले हेवी वेट काँग्रेस उम्मेदवार दमननाथ ढुंगानालाई भारी मतान्तरले पराजित गर्न सफल भएपछि राजथलाको नेतृत्व ऐतिहासिक रुपमै सफल भएको मानिएको छ ।
राजथलाको बिरासत जोगाउने जिम्मा अब देउजाको काधमा आइपुगेको छ । नेकपा माओबादी केन्द्र संग एकताको नजिक आइरहदा नेतृत्वमा आएका देउजाले कार्यकतालाई एकताबद्ध बनाएर लैजाने चुनौतीसमेत सामना गर्नुपर्ने भएको छ ।
सूचना : फेसबुकमा खवर प्राप्त गर्न हाम्रो फेसबुक पेज लाइक लाइक गर्नुहोस