आफ्ना महासचिव बिप्लवलाई राज्यले पक्राउ पूर्जी जारी गरेकोमा आक्रोसित नेपाल कम्युनिष्ट पार्टीले प्रधानमन्त्री केपी ओलीको विरुद्धमा पक्राउ पूर्जी जारी गरेको छ ।

मंगलवार दिउसो प्रम ओलीको निजी निवास बालकोटमा नेकपाले पक्राउ पूर्जी टाँसिदिएको हो । तर, पत्रमा भने पक्राउ पूर्जी जारी गर्नुको २ कारण बताइएको छ । २०७४ फागुन ६ गते विराटनगरमा हुन लागेको राष्ट्रिय युवा जनस्वयमंसेवकको सार्वजनिक कार्यक्रममा मोरङ विराटनगरतर्फ जाँदै गर्दा नेकपाका नेताहरू हेमन्तप्रकाश ओली ‘सुदर्शन’ एवं पद्म राई र पार्टीसम्बद्ध थुप्रै युवाहरूलाई विराटनगरमा गिरफ्तार गरी झुट्टा मुद्दा लगाएको र २०७४ चैत ५ गते नेकपाका कोशीब्युरोका इन्चार्ज किरण राईलगायत थुप्रै नेताहरूलाई बिनाकारण गिरफ्तार गरी धनकुटामा थुनामा राखेकोले पक्राउ पूर्जी जारी गरिएको बताइएको छ ।

पत्रमा प्रमको बिरुद्ध जनअदालतमा मुद्दा परेको जानकारी गराउँदै त्यसका बारेमा छलफल गर्नका लागि १५ दिनभित्र हाजिर हुन नेकपाले वारेन्ट जारी गरेको छ । पत्रमा १५ दिनभित्र केन्द्रीय जनअदालत रोल्पामा उपस्थित हुनका लागि सूचित गरिएको छ भने तोकिएको समयमा उपस्थित नभएमा केन्द्रीय जनपरिषद नेपालको नीति नियम अनुसार हुने कुराको चेतावनी समेत दिइएको छ ।

हेर्नुस् पत्र