News Portal

  • बाढीले घरवारविहीन बनाएकालाई राहत बाढ्न जनप्रतिनिधिले नै कमिसन मागेपछि

    इभक्तपुर संवाददाताविराटनगर, २२ चैत
    ६६२ पटक
    विराटनगर, २२ चैत

    मोरङको जहदा गाउँपालिका–१ की कौशल्या राजवंशी बाढीपीडित हुन्। साउनको बाढीले उनको सर्वस्व लग्यो। उनी पूर्णरूपमा प्रभावित बाढीपीडितको सूचीमा छिन्। तर, सरकारले उपलब्ध गराएको राहत पाउन भने जनप्रतिनिधिलाई १० हजार रुपैयाँ घुस खुवाउनुपर्यो।

    कौशल्याले भनिन्, ‘बाढीले घरवारविहीन बनाएका हामीलाई सरकारले दिएको रकमको पनि कमिसन लगे।’

    उनले दुई पटक गरी ५–५ हजार रुपैयाँका दरले वडा कार्यालयमा काम गर्ने हरिओम राजवंशीलाई १० हजार रकम बुझाएपछि मात्र राहत बापतको १५ हजार रुपैयाँ पाएको बताइन्।

    मागेको रकम नदिँदा आफूले राहत नपाएको गुनासो गर्दै सुमती देवीले भनिन्, ‘हरिओमले पैसा माग्दा नदिँदा नाम दर्ता नै गराएनन्।’

    जहदा–१ मा धेरैसँग रकम लिएर बाढीपीडितको राहत लुट्ने काम भएको उनले गुनासो गरिन्।

    स्थानीय निर्जलादेवी राजवंशीले सुरुमै ५ हजार दिए १५ हजारको चेक दिने र बैंकबाट १५ हजार पाउनेबित्तिकै पाँच हजार लिने बताएपछि आफूले पैसा नदिँदा राहत नपाएको गुनासो गरिन्।

    उनले भनिन्, ‘हामीले पाउनुपर्ने राहतमा उनीहरूले भाग खोजेपछि हामी थप पीडामा परेका छौं।’

    चन्दरी देवीले २ सय रुपैयाँ लिएर वडा कार्यालयका कर्मचारीले नाम लेखेर लगेको तर ५ हजार नदिँदा राहत नपाएको बताइन्। राजपा नेता ओमकार राजवंशी र वडासदस्य सरवरियाको सहयोगमा पूर्ण क्षति भएको विवरणमा रकम दिनेको नाम मात्र सिफारिस गरेको स्थानीयले आरोप लगाउँदै आएका छन्।

    कतिको घरमा पानी नपुगे पनी जनप्रतिनिधिले राहतमा नाम समावेश गरेको समेत पाइएको छ। स्थानीय अमेश राजवंशीले आफ्नो घरमा पानी नपसेको तर बाढीले पूर्ण क्षति भएको भन्ने विवरण आएको बताए। भने, ‘मेरो नाम कसरी आयो मलाई नै थाहा छैन। बरु पीडित भएकालाई नै भेदभाव नगरी राहत दिए हुने नि !’

    जहदामा सबैभन्दा बढी प्रभावित भएका साविकको बुधनगर–९ कालाबन्जर लक्ष्मीपुर हाल जाहदा– १ स्थित ऋषिदेव टोलका कसैको नाम पूर्ण क्षतिमा परेको छैन। मजदुरी गरेर जीविका चलाउने अधिकांशको बाढीले घर बगाएर उठिबास लागेको छ।

    तर, नामै समावेश नभएपछि राहतमा पाउने आस पनि मरेको पार्वती देवी ऋषिदेवले गुनासो गरिन्। उनले भनिन्, ‘नाई देवै राहत जे मन मे छौ कर’ भन्दै वडाध्यक्षले प्रदीप यादवले धम्क्याएको बताइन्।

    जोगिरा ऋषिदेवले नाम दर्ता गराउन लिएको रकम नाम नआएको तर हालसम्म नपाएको गुनासो गरे। टोलमा ३० जनाको घर छ तर कसैलाई राहत नदिइएको उनले बताए। ऋषिदेवले भने, ‘बाढीबाट सबैभन्दा धेरै हामी पीडित बनेका थियौं तर हामीलाई नै राहत दिइएन।’

    जाहदा गाउँपालिका–१ का वडाध्यक्ष प्रदीप यादवले कमिसनस्वरूप १० हजार दिनेलाई मात्र राहतको प्याकेजमा नाम सिफारिस गरेको पीडितले आरोप लगाएका छन्। सर्वदलीय बैठकले साउनमा आएको बाढीले क्षति पुर्याएकामध्ये ३ सय ६५ जनाको पूर्ण क्षति भएको विवरण संकलन गरेको थियो। तर, प्रतिव्यक्ति १० हजार दिने कमिसन दिनेको नाम पूर्णक्षतिमा जनप्रतिनिधिले सिफारिस गरी रकम असुली गर्ने गरेको पीडितको आरोप छ।

    वडा नम्बर १ मा पूर्ण क्षतिको विवरण ५ सय २ जनाको नाम आएको छ। बाढी आएको बेला राहत पाउने नाम दर्ता गर्न जनप्रतिनिधिले रकम लिएका थिए। वडा समितिमा करारमा कार्यरत हरिओम राजवंशी र उनका दाजु राजपाका स्थानीय नेता ओमकार राजवंशीसहित वडासदस्य बिन्देश्वर सरवरियाको मिलेमतोमा बाढीपीडितबाट रकम असुल्ने काम भइरहेको छ।

    वडाध्यक्ष यादवले यो विषयमा आफूलाई जानकारी नभएको दाबी गरे। भने, ‘मलाई बद्नाम गर्न कमिसनको कुरा उठाइएको हो।’

    सर्वपक्षीय बैठकले आंशिक र पूर्ण गरी ७ सय २६ जनाको विवरण संकलन गरेको भए पनी जनप्रतिनिधिले एकै परिवारका चारदेखि ७ जनाको नाम पूर्ण क्षति भएको विवरण पठाइएको कमिसन लिएर वितरण गर्ने गरेको भन्दै पीडितले अख्तियार र जिल्ला प्रशासन कार्यालय मोरङमा समेत उजुरी दिएका छन्। (अन्नपूर्ण पोष्ट दैनिक)

    प्रतिकृया दिनुहोस्

    दुर्लभ थापालाई निवासमै पुगी महेश बस्नेतको बधाई

    निर्वाचन क्षेत्र नम्बर २ का प्रतिनिधि सभा सदस्यका निकटत्तम प्रतिस्पर्धी रहेका नेकपा एमालेका उम्मेदवार महेश...

    भक्तपुर-१ मा नेमकिपाका सुवाल तेब्बर भन्दा बढी मतान्तरले बिजयी

    prem suwal

    भक्तपुर क्षेत्र नं. १ मा नेपाल मजदुर किसान पार्टी उम्मेदवार प्रेम सुवालले पुनः विजय प्राप्त...

    भक्तपुर-२ मा दुर्लभ थापाको रोमाञ्चक जीत, पूर्वमन्त्री महेश बस्नेत पराजित

    नेपाली कांग्रेसका जिल्ला सभापति रहेका गठबन्धनका साझा उम्मेदवार दुर्लभ थापाले भक्तपुर-२ मा बिजय प्राप्त गरेका...

    बालेनको हर्कतले देश र जनताको भलो हुँदैन : बस्नेत

    नेकपा एमालेका पोलिट्ब्युरो सदस्य एवं पूर्वमन्त्री महेश बस्नेतले बिकल्प बिना काठमाडौँ महानगरले सुकुम्बासी बस्तीमा डोजर...

    प्रचण्ड सचिवालयको यस्तो सुझाव

    बधाई र शुभकामनाको नाममा खादा माला र समयको बर्बादी नगर्न नेकपा (माओवादी केन्द्र) का अध्यक्ष...

    मोटरसाइकल चोरीमा संलग्न एक पक्राउ

    मोटरसाइकल चोरीमा संलग्न रहेको अभियोगमा एक जनालाई प्रहरीले पक्राउ गरेको छ । चोरी भएको चार...

    सोमबार धनकुटामा भुकम्प

    सोमबार बिहान १० बजेर ४५ मिनेटमा धनकुटाको मूलघाट केन्द्रबिन्दु भएर भूकम्प गएको छ । राष्ट्रिय...

    उत्पादन छ बजार र उचित मूल्य छैन

    ताप्लेजुङको फुङलिङ नगरपालिकास्थित दोखुका राजकुमार गुरुङले यस वर्ष झण्डै ३० क्विन्टल किवी उत्पादन गरेका थिए...