इभक्तपुर संवाददाता
सर्लाहीमा ईनारमा डुवेर एक महिलाको ज्यान गएको छ ।
जिल्लाको उतरी क्षेत्र लालबन्दी नगरपालिका- १६ कालिन्जोरका ओम प्रकास थापाकी ४६ वर्षिय श्रीमती विन्दा थापाको यसरी ज्यान गएको हो । घर देखि १ किलोमिटर पर रहेको आफ्नै खेतमा रहेको ईनारमा डुवेर उनको ज्यान गएको प्रहरीले बताएको छ ।
शुक्रवार विहान अन्दाजी ५ बजे तिर पानी लिन गएका छिमेकीहरुले ईनारमा डुवी रहेको अवस्थामा देखे पछि प्रहरीलाई खबर गरेका थिए ।
प्रहरी घट्ना स्थलमा पुगी मृतकको शव सनाखत गरी पोष्टमाटमको लागि अहिले जिल्ला अस्पताल मलंगवा पठाईको ईलाका प्रहरी कार्यालय केशरगंजका प्रहरी निरीक्षक अनिल पौडेलले बताएका छन् ।
महिलाको के कति कारणले मृत्यु भएको भन्ने विषयमा पोष्टमाटम रिपोर्ट पछि मात्रै थाहा लाग्ने प्रहरी निरीक्षक पौडेलले बताए ।