सर्लाही, १३ बैशाख पार्टी एकता हुँदैन कि भन्ने भ्रममा नपर्न नेकपा (माओबादी केन्द्र)का अध्यक्ष पुष्पकमल दाहाल “प्रचण्ड” ले अपील गरेका छन् । पार्टी एकताको विषयमा विभिन्न खाले अफवाह फैलाइएको जिकिर गर्दै उनले एमाले र माओवादी पार्टी एक हुँदैन कि भन्ने अाशंका नगर्न अपील गरे ।
आज सर्लाहीको बागमतीमा कार्यकर्ता भेटघाट तथा पार्टी प्रवेश कार्यक्रमलाई सम्बोधन गर्दै अध्यक्ष प्रचण्डले बजारीया हल्लाको पछि नलागी पार्टी एकता हुने कुरामा ढुक्क हुन कार्यकर्तालाई आस्वस्त पारेका थिए ।
अध्यक्ष प्रचण्डले एकताको कुराले एकता बिरोधीहरु परेशान बनेको बताउदै राजनीतिक अस्थिरतामा खेल्नेहरुको दिन बाम एकता संगै सकिने दावी पनि गरे ।
उनले बर्तमान सरकारले बिकाश र समृद्धिलाइ महत्वकासाथ अघि बढाउने जिकिर गर्दै अब जनताको सुखका दिन शुरु भएको बताए ।
सर्लाही जिल्ला पार्टीका संयोजक डाचाराज वाग्लेको अध्यक्षतामा बागमतीमा भएको कार्यक्रममा २ नम्बर प्रदेश इन्चार्ज बिश्वनाथ साह, केन्द्रिय सदस्य कमल बुढाथोकी ,पोलिट्ब्युरो सद्स्य अच्चुतम काफ्ले ,राधेश्याम पासवान,नेता लुमडी प्रसाद धिमाल लोचन , महिला नेत्री बिनिता दाहल , साबित्रा बुढाथोकी लागायतको आतिथ्यता रहेको थियो भने बागमती नगरपालिकाको समस्या र बिकाश निर्माणको बारेमा नगरपालिकाका मेयर भरत थापाले जानकारी प्रस्तुत गरेका थिए ।
उक्त अवसरमा अध्यक्ष प्रचण्डले बागमती नगरपालिका स्थित हरिहर क्षेत्रमा फन पार्कको शिलान्यास समेत गरे ।
त्यस्तै आजै उनले सर्लाहीको हरिपूर्वा नगरपालिकास्थित वसतपुरमा मुस्लिमहरुको जल्सामा सरिक भई प्रसाद समेत ग्रहण गरेका थिए ।