रारा क्षेत्रको भ्रमण सकेर शनिबार साँझ मात्रै घर फर्केका उनलाई आइतवार अकस्मात मष्तिस्कघात (ब्रेन ह्यामरेज) भएको हो ।

चाँगुनारायण नगरपालिका–६ तेलकोट निवासी लामिछानेलाई आज अचानक ब्रेन ह्यामरेज भएपछि उनको अवस्था गम्भीर भएको नेकपा (एमाले) जिल्ला कमिटी भक्तपुरका सदस्य एवं स्थानीयवासी निरञ्जन बजगाईंले बताए ।

लामिछानेको सिनामंगलस्थित काठमाडौँ मेडिकल कलेज (केएमसी) अस्पतालमा भेन्टिलेटरमा राखेर उपचार भइरहेको र उनको अवस्था स्थिर रहेको बताइएको छ ।

लामिछानेको स्वास्थ्य अवस्था बुझ्न नेकपा (एमाले) का नेता एवं पूर्वप्रधानमन्त्री माधवकुमार नेपाल, एमाले नेता कृष्णगोपाल श्रेष्ठलगायतका नेताहरु अस्पताल पुगेर उनको अवस्थाबारे जानकारी लिएका छन् ।

शनिबार मात्रै राराबाट घर फर्केका उनको अवस्था चिन्ताजनक भएपछि अस्पतालमा एमालेका नेता तथा कार्यकर्ताको भीड लागेको छ । उनी नेकपा (एमाले) को तर्फबाट भक्तपुर क्षेत्र नं १ प्रदेश नं २ बाट निर्वाचित प्रदेशसभा सदस्य हुन् ।

अपडेट : आइतवार अकस्मात मष्तिस्कघात भएका प्रदेशसभा सदस्य हरिशरण लामिछानेको निधन  भएको छ । भेन्टिलेटरमा राखेर उपचार भइरहेकोमा सोमबार दिउसो १ बजे अस्पतालले उनको निधन भएको घोषणा गरेको छ । लामिछानेका आफन्त, एमालेका नेता कार्यकर्ता एवं भक्तपुरका स्थानीयबासी लगायत उनका शुभचिन्तकहरु मृत्युको खबरले शोकाकुल बनेका छन ।