प्रेमनाथ पाैडेलसर्लाही, ३० बैशाख
सर्लाही, ३० बैशाख लघुबित बिकाश बैंकहरु शहरमुखी नभएर ग्रामिण तथा दुर्गममुखी बन्नु पर्ने नेपाल राष्ट्र बैंकका डिपुटी गभर्नर चिन्तामणी सिवाकोटीले बताएका छन् । आईतबार सर्लाहीको हरिवनमा केन्द्रिय कार्यालय रहेको सहकार्य लघुबित बैंकको उदघाटन गर्दै उनले यस्तो बताएका हुन् ।
‘क’बर्गका बाणिज्य बैंक र विभिन्न ख बर्गका बिकाश बैंकहरु शहर मुखी रहेको र उनीहरुले ठूला औधोगिक कल कारखाना र ब्यबसाय मा लगानी गरिरहेको बताउदै डिपुटी गभर्नर सिवाकोटीले अब ग्रामिण दुरदराज र बिकट क्षेत्रमा बैंककिङ्ग सुबिधा बाट बन्चित हरुको लघुबित्त बैंक ले सेवा पुर्याउनु पर्नेमा जोड दिए ।
देश भर ५ हजार ८ सय विभिन्न बैंकका शाखाहरु भए पनि ७ सय ६६ स्थानिय तह मध्ये अझै ३ सय ६५ स्थानिय तहमा कुनै पनि क ,ख र ग बर्ग बैंक तथा लघुबित बैंक नभएको बताउदै यसै बर्ष भित्र सबै स्थानिय तह मा क बर्गको एक एक वटा बैंक को शाखा खोल्ने लक्ष्य रहेको समेत गभर्नर सिवाकोटी ले बताए । त्यस्तै देशमा बैंक खोल्नु र बैंक ले निक्षेप जम्मा गर्ने र लगानी गर्नु मात्र नभै उनी हरु ले सामाजिक रुपान्तरण र बितिय शिक्षा मा समेत जोड दिन र समाज रुपान्तरण गर्ने काममा लाग्न उनले आग्रह गरे ।
”आमा बाबूले छोरा छोरी लाई जन्माएर मात्र नहुने बताउदै उचित पालन पोषण गर्न जान्नु पर्ने भए जस्तै बैंक खोलेर मात्र हुदैन ,त्यसको उचित ब्यबस्थापन र परिचालन हुनुपर्छ ।” उनले भने ।
सरकारले बैंकहरुलाई समेत एकीकरण (मर्च )को दायरा मा ल्याउने काम गरिरहेको सिवाकोटी को भनाई थियो । बैंकका अध्यक्ष प्रकाश पोख्रेलको अध्यक्षतामा भएको उदघाटन कार्यक्रम मा क्षेत्र नम्बर ३ ‘क’ का प्रदेश सभा सदस्य डिल्ली प्रसाद उप्रेती ,जिल्ला समन्वय समिति कि उप प्रमुख जमुना पौडेल , हरिवन नगरपालिकाका मेयर गणेश प्रसाईं लगायतले बैंक तथा बितिय सस्थाको बारेमा आ आफ्नो धारणा राखेका थिए ।