News Portal

  • अस्ताए प्रदेश सभा सदस्यमा भक्तपुरबाट निर्वाचित एक असल प्रतिनिधि लामिछाने

    इभक्तपुर संवाददाताभक्तपुर, ३१ बैशाख
    १०८० पटक
    भक्तपुर, ३१ बैशाख

    आइतवार अकस्मात मष्तिस्कघात भएका प्रदेश नम्बर ३ का प्रदेशसभा सदस्य हरिशरण लामिछानेको निधन  भएको छ । भेन्टिलेटरमा राखेर सिनामंगलस्थित केएमसी अस्पतालमा उपचार भइरहेकोमा सोमबार दिउसो १ बजे अस्पतालले उनको निधन भएको घोषणा गरेको हो ।

    मृतक लामिछानेको आजै अन्त्यष्टिसमेत गरिएको छ । आर्यघाटमा बैदिक परम्परा अनुसार उनको अन्त्यष्टि गरिएको पारिवारिक श्रोतले बतायो । उनका श्रीमति, १ छोरा र ३ छोरी छन् ।

    लामिछानेको अन्त्यष्टिमा नेता कार्यकर्ताका साथै उनका आफन्त, शुभचिन्तक र समर्थकहरुको बाक्लो उपस्थिति रहेको थियो ।

    रारा क्षेत्रको भ्रमण सकेर शनिबार साँझ मात्रै घर फर्केका लामिछानेलाई आइतवार अकस्मात मष्तिस्कघात (ब्रेन ह्यामरेज) भएको थियो ।
    अस्वस्थ भएपछि उनलाई केएमसी अस्पतालको भेन्टिलेटरमा राखेर उपचार गरिएको थियो ।

    चाँगुनारायण नगरपालिका–६ तेलकोट निवासी लामिछाने नेकपा एमाले भक्तपुरमा त्याग र निष्ठाको पर्यायको रुपमा परिचित नाम हो । २०३९ सालमा तत्कालिन नेकपा मालेको बिद्यार्थी संगठन अनेरास्ववियुबाट राजनीतिक जीवन शुरु गरेका लामिछाने नेकपा एमालेको भक्तपुर जिल्ला समितिका सचिव समेत थिए ।

    भक्तपुर निर्वाचन क्षेत्र नम्बर १ को प्रदेश १ बाट प्रदेश सभा सदस्यमा निर्वाचित लामिछानेको निधनले एक आशालाग्दा जनप्रतिनिधिको अन्त्य भएको छ ।

     

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...