भक्तपुर, ३ जेठसार्वजनिक बसमा चोरी गर्दागर्दै २ युवकहरु समातिएका छन । भक्तपुरको सल्लाघारीबाट उनीहरु समातिएका हुन् ।
बसमा श्रृजनानगरबाट व्यासी आउन चढेकी सुर्यविनायक नगरपालिका- ५ कटुन्जे बस्ने बर्ष ३८ की लक्ष्मी कार्कीको साथमा रहेको ब्यागको चेन खोली नगद १३ हजार चोरेका चोरहरुलाई अन्य यात्रुहरुले समातेका हुन् । चोरी गर्दा गर्दै समातिनेमा काभ्रेपलाञ्चोक नमोबुद्ध न.पा. ५ स्थायी घर भई हाल पेप्सिकोलामा डेरा गरी बस्ने बर्ष २८ को कार्साङ्ग तामाङ र जिल्ला सिन्धुपाल्चोक बाह्रविसे न.पा. ७ स्थायी घर भई हाल पेप्सिकोलामा नै डेरा गरी बस्ने बर्ष २४ को रमेश आचार्य रहेको प्रहरीले जानकारी गराएको छ ।
बसमा रहेका यात्रुहरुले उनीहरुलाई नियन्त्रणमा लिएर प्रहरीको जिम्मा लगाएका थिए । उनीहरु उपर आज जवरजस्ती चोरी मुद्दा दर्ता गरी थप अनुसन्धान कार्य अगाडी बढाइएको महानगरीय प्रहरी परिसर भक्तपुरले बताएको छ ।