एक युवतीलाई जबरजस्ती करणी गरेको अभियोगमा भक्तपुर प्रहरीले एक युवकलाई पक्राउ गरेको छ । पक्राउ पर्नेमा काठमाडौको शंकरापुर नगरपालिका – ५ बस्ने ३० वर्षीय सन्तोष दंगाल रहेको प्रहरीले जानकारी गराएको छ ।

पिडितको उजुरीको आधारमा दंगाललाई प्रहरीले पक्राउ गरी शुक्रवार सार्वजनिक गरेको हो ।

भक्तपुर नगरपालिकामा बस्ने एक युवतीलाई जवर्जस्ती करणी गरेको आरोप उनीमाथि लागेको छ । दंगालले युवतीलाई भेट्नुछ भनेर साँझमा घर बाहिर बोलाएको र खाजा खाने बहानामा भक्तपुर-१ स्थित एक होटलमा पुर्याएर जबरजस्ती करणी गरेको उजुरी परेपछि पक्राउ गरिएको महानगरीय प्रहरी परिसर भक्तपुरका प्रहरी निरीक्षक सुशीलकुमार पाण्डेले जनाएका छन् । घटना बैशाख ३१ गते अन्दाजी ८ बजेको समयमा घटेको थियो ।

घटनाको बारेमा थप कार्यवाही अघि बढाइएको प्रहरी निरीक्षक पाण्डेले बताए ।