काठमाडौँ, ८ जेठकृषि ,भुमि व्यवस्था तथा सहकारी राज्य मन्त्री रामकुमारी चौधरीले देशलाई तरकारी ,फलफुलमा आत्मनिर्भर बनाउने बताएकी छन । तरकारी क्षेत्र सँग सम्बन्धित सरोकारवालाहरुको राष्ट्रिय कार्यशाला गोष्ठीलाई खुमलटारमा सम्बोधन गर्दै उनले उक्त कुरा बताएकी हुन् ।
किसानलाई वर्गीकरण गरि साना किसानलाइ अनुदान, मध्यम किसानलाई ब्याज अनुदान, ठूला किसानलाई सहुलियत ऋण उपलब्ध गराउने कार्ययोजना सरकारले अगाडि बढाउने राज्यमन्त्री चौधरीले बताइन् ।
सबैले आ-आफ्नो घरको छत ,खाली जमिन र गमलामा अर्गानिक तरकारी उत्पादन गरेर आफूलाइ स्वस्थ राख्नुका साथै खर्च बचत र आत्मनिर्भर बनाउन सकिनेसमेत उनले जिकिर गरिन् ।
प्रधानमन्त्री कृषि आधुनिकरण परीयोजनाको माध्यमबाट तरकारी फलफुलको पकेट ,ब्लक,जोन र सुपरजोन बनाइ किसानलाई कृषिमा आधुनिकीकरण र व्यवासाईकरण गरि कृषि जन्य पदार्थको आयात शुन्यमा झार्ने र निर्यात गरी देशलाई आर्थिक समृद्धि हासिल गर्न सहयोग पुर्याउने राज्यमन्त्री चौधरीको दावी छ ।