News Portal

  • ‘इजी वे’मा लाइसेन्सको परीक्षामा नक्कली परीक्षार्थीको प्रयोग : भक्तपुर प्रहरीद्वारा २ पक्राउ

    नेपालवाल संवाददाताभक्तपुर, १६ जेठ
    ६०६६ पटक
    भक्तपुर, १६ जेठ

    सवारी चालक अनुमति पत्रको लागि नक्कली परीक्षार्थी प्रयोग हुने गरेको खुलासा भएको छ । भक्तपुर प्रहरीले ट्रायल परीक्षा दिइरहेको अवस्थामा नक्कली परीक्षार्थी पक्राउ गरेसंगै उक्त खुलासा भएको हो ।

    बुधवार महानगरीय प्रहरी वृत्त ठिमीले ट्रायल परीक्षामा सहभागी नक्कली परीक्षार्थी समातेपछि ट्रायल परीक्षा पछाडिको पर्दा खुलेको हो । मध्यपुर ठिमी नगरपालिका – ९ राधे राधे स्थित इजी वे ट्रायल सेन्टरबाट २ नक्कली परीक्षार्थी समातिएका हुन् ।

    इजी वे ट्रायल सेन्टर प्रा लि मा जगाती स्थित यातायात व्यवस्था कार्यालयले स्थापना कालदेखि ट्रायल परीक्षा संचालन गर्दै आइरहेको छ । यस सेन्टरमा नक्कली परीक्षार्थी प्रयोग हुने गरेको सूचनाको आधारमा प्रहरीले चेकजाँच गर्दा २ नक्कली परीक्षार्थी पक्राउ परेको महानगरीय प्रहरी वृत्त ठिमीले जानकारी गराएको छ ।

    प्रवेश पत्रमा भएको फोटो र उमेर नमिलेपछि आज ३: ३० बजेको समयमा २ नक्कली परीक्षार्थीलाई नियन्त्रणमा लिएर थप अनुसन्धान अगाडि बढाइएको महानगरीय प्रहरी वृत्त ठिमीका डीएसपी प्रज्वल श्रेष्ठले पुष्टि गरे । ”एकै दिन २ नक्कली परीक्षार्थी पक्राउ पर्नु संयोग मात्र नहुन सक्छ, यसमा गिरोह नै संलग्न भएको आशंकामा हामीले अनुसन्धानलाई महत्वकासाथ अगाडि बढाएका छाैं ।” उनले भने ।  डीएसपी श्रेष्ठका अनुसार नक्कली परीक्षार्थी प्रयोग गर्नेहरुको पनि खोजीकार्य भैराखेको छ ।

    पक्राउ पर्ने नक्कली परीक्षार्थीहरुमा सिन्धुली पोखरी- ५ स्थायी घर भएका २० बर्षिय टिकाराम चौलागाईको मोटरसाईकलको ट्रायल परीक्षा दिँदै गरेको अवस्थामा जिल्ला तेह्रथुम ईवा-१ घर भई हाल जिल्ला ललितपुर लामाटार बस्ने बर्ष ३० को धन कुमार ईङमान (लिम्बु) र भक्तपुर नगरपालिका- १० बस्ने बर्ष २० को सनिस श्रेष्ठको नाममा मोटरसाईकलको ट्रायल परीक्षा दिदै गरेको जिल्ला मोरङ लेटाङ गाउपालिका -८ घर भई हाल ललितपुर लुभु बस्ने बर्ष ३१ को अर्जुन राई रहेको प्रहरीले जानकारी गराएको छ ।

    यस अघि हिजो मंगलवार पनि ठिमी वृत्त बाट खटेको प्रहरी टोलीले काभ्रेपलाञ्चोक जिल्लाको पाँचखाल- ६ का ५० बर्षिय प्रेम अधिकारीलाई लाईसेन्स बनाउन सहयोग गर्छु भनि रकम मागिरहेको सूचनाको आधारमा पक्राउ गरि थप अनुसन्धान अगाडि बढाइएको जानकारी प्राप्त भएको छ ।

    निरन्तर खबरकालागि हाम्रो फेसबुक पेज लाइक गर्नुहोला

     

    प्रतिकृया दिनुहोस्

    घिमिरे गाउँमा भेटिएको शवको पहिचान, हत्या आरोपमा सुडालका एकसहित २ जना सार्वजनिक

    भक्तपुरको सीमाना संगै जोडिएको काभ्रेको बनेपा १ स्थित घिमिरे गाउँमा आइतवार बिहान मृत अवस्थामा भेटिएका...

    आज बर्षाको सम्भावना

    नेपाल र भारतको बिहार त्था पश्चिम बंगाल आसपासको क्षेत्रमा रहेको न्यूनचापीय क्षेत्रको प्रभावले सोमबार देशभर...

    बेरोजगार उत्पादन गर्ने शिक्षा आवश्यक छैन : विप्लव

    नेपाल कम्युनिष्ट पार्टीका महासचिव विप्लव सीले बेरोजगार उत्पादन गर्ने शिक्षा आवश्यक नरहेको बताएका छन् ।...

    शिक्षकले राजनीति गर्न पाउनुपर्छ र एसईई पनि हटाउनु हुँदैन : प्रेम सुवाल

    prem suwal

    भक्तपुर १ का प्रतिनिधि सभा सदस्य प्रेम सुवालले शिक्षा बिधेयकमा उल्लेख शिक्षकले राजनीति गर्न नपाउने...

    प्रधानमन्त्रीको चीन भ्रमणले समृद्धिका लागि सम्भावनाको नयाँ ढोका खोल्यो : माओवादी केन्द्र

    नेकपा (माओवादी केन्द्र)ले पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’को चीन भ्रमणले विश्वासको वातावरण बनाउँदै...