नेपालवाल संवाददातामोरङ, १७ जेठ
मोरङ, १७ जेठसुन तस्करीका फरार अभियुक्त बरिष्ठ प्रहरी अधिकारी प्रहरीलाई सुइकै नदिइ अदालतमा उपस्थित भएका छन । वरिष्ठ प्रहरी उपरीक्षक श्याम खत्री आज जिल्ला अदालत मोरङमा उपस्थित भएका हुन् ।
खत्रीलाई खोजिरहेको प्रहरीलाई जिल्याउदै उनी जिल्ला अदालत मोरङमा उपस्थित भएका छन । मोरङका प्रहरी उपरीक्षक मनोजकुमार केसीले खत्री अदालतमा उपस्थित भएको पुष्टि गरेका छन् ।
६३ जनामाथि मुद्दा दर्ता गरिएकोमा खत्री फरारको सूचीमा थिए । उनी आज अदालतमा उपस्थित भए पनि अझै ३१ अभियुक्त फरार रहेका छन् ।
अपडेट : अभियुक्त एसएसपी श्याम खत्रीले ३३ क्वीन्टल सून तस्करी र सनम हत्या प्रकरणमा संलग्नता बारे इन्कारी बयान दिएका छन । १२ पेज लामो बयान लिएपछि उनलाई जेल चलान गरिएको छ । मोरंग जिल्ला अदालतको आदेशले उनलाई पुर्पक्षको लागि जेल चलान गरिएको हो ।