भक्तपुर, २० जेठनेपाल प्रहरीको जनपद प्रहरी समूहतर्फ २८ प्रहरी नायव उपरीक्षकहरु प्रहरी उपरीक्षक पदमा पदोन्नतीका लागि सिफारिस भएका छन । रिक्त २८ पदमा बढुवा समितिले पदपूर्तीको लागि सिफारिस गरेको हो ।
बढुवा समितिको शनिवारको बैठकले प्रहरी उपरीक्षकको रिक्त पदहरुमा प्रहरी नायव उपरीक्षकहरुको बढुवा सिफारिस गरेको बढुवा समितिको सचिवालयले बताएको छ ।
बढुवा सिफारिस हुनेमा पहिलो नम्बरमा अच्युतम प्रसाद पुडासैनी परेका छन । उनले कुल ८९.९२ नम्बर पाएका छन । २८ औं नम्बरमा परेका चन्द्रदेव राइले ८२.९८ प्राप्ताङ्क हासिल गरेका छन ।
भक्तपुरको थिमीस्थित महानगरीय प्रहरी वृत्तका प्रहरी नायव उपरीक्षक प्रज्वल महर्जन पनि प्रहरी उपरीक्षकमा बढुवा सिफारिस भएका छन् । पछिल्लो समय मध्यपुर थिमीका मेयर मदन सुन्दर श्रेष्ठमाथि आक्रमण गर्ने देखि लाइसेन्सको ट्रायल परीक्षा दिने नक्कली परीक्षार्थी समात्नेसम्ममा सफलता हासिल गरेका महर्जन बरियतामा २५ औं नम्बरमा परेका छन् ।
प्रधानमन्त्री केपी ओलीको सुरक्षामा रहेका उनका विस्वाशीला शान्तुराम भट्टराइ पनि बढुवा भए । भट्टराई चौथो नम्बरमा सिफारिस हुन सफल भएका छन् ।
त्यसैगरी शनिवार नै बढुवा समितिले ५५ प्रहरी निरीक्षकलाइ प्रहरी नायव उपरीक्षक पदमा पदोन्नतीका लागि सिफारिस गरेको छ ।
हेर्नुस् एसपीमा बढुवा हुने २८ डीएसपी
हेर्नुस् डीएसपीमा बढुवा हुने ५५ इन्स्पेक्टर
