पथलैया, २१ जेठनमूना फोटो
पेट्रोलियम पदार्थको ढुवानी गर्दै आएका ट्यांकरका चालकहरु आन्दोलित भएका छन । भारतीय ब्रहारीको ज्यादती बढेको भन्दै उनीहरु आन्दोलित बनेका हुन् ।
आन्दोलित चालकहरुले बाराको अमलेखगन्ज डिपोमा पेट्रोलियम पदार्थको लोड/अनलोड ठप्प पारेका छन् ।
भारतीय शहर रक्सोलबाट नेपाल आउने ट्यांकर चालकलाई भारतीय प्रहरीले विना कारण पिटेको भन्दै ट्यांकर चालकहरु आन्दोलनमा उत्रिएपछि लोड÷अनलोड ठप्प भएको हो ।
आन्दोलनका कारण क्षेत्रीय डिपो अमलेखगन्जबाट हुने सम्पूर्ण लोड अनलोडको काम प्रभावित भएको नेपाल आयल निगमले जनाएको छ ।ट्यांकर चालकहरुले भारतीय प्रहरीले आफूलाई निर्घात कुटपिट गर्दै ज्यान मार्नेसम्मको धम्की दिएको भन्दै निगम अगाडि धर्ना दिएका छन् ।
भारतीय प्रहरीको ज्यादती नरोकिएसम्म ट्यांकर लोड/अनलोड नगर्ने चालकहरुले बताएका छन् । निगमका उपप्रबन्धक रामहरि निरौलाले आफूहरु समक्ष कुनै औपचारिक माग नआए पनि चालकहरु आन्दोलित भएको भन्ने जानकारी पाएको बताए ।आन्दोलित पक्षसँग वार्ता गर्ने उनले बताउदै निरौलाले स्थायी समाधान खोजिने दावी गरे ।
यस अघि पनि भारतीय प्रहरीले पटक पटक दुर्व्यवहार गर्दै आएको चालकहरुको गुनासो रहेको छ ।
