भक्तपुर, २९ जेठभक्तपुर प्रहरी प्रमुखमा हिमालय श्रेष्ठको आगमन संगै प्रहरीले आफ्नो गतिबिधि तीब्र पारेको छ । लाइसेन्सको ट्रायल परीक्षामा प्रयोग भएका नक्कली परीक्षार्थी समात्न सफल भएको भक्तपुर प्रहरीले होटलको नाममा यौन धन्धामा संलग्नहरुलाइ समेत समात्न सफल भएको छ ।
गएराती भक्तपुरको ठिमीबाट ४ युवतीहरु पक्राउ परेका छन् । मध्यपुर ठिमी नगरपालिका – ४ चारदोबाटोमा रहेको गगनचुम्बी खाजाघरबाट युवतीहरु पक्राउ परेका हुन् ।
युवतीहरु अनैतिक क्रियाकलापमा संलग्न हुनेगरेकोले पक्राउ गर्नु परेको प्रहरीको भनाइ छ । होटलमा केटी राखी अनैतिक क्रियाकलाप हुन्छ भन्ने सूचनाको आधारमा सोमवार राती प्रहरी छापा हान्न पुगेको थियो । महानगरीय प्रहरी परिसर भक्तपुरको प्रहरी टोलीले खानतलासी गर्दा विभिन्न ब्राण्डका कण्डमहरुसमेत बरामद गरेको बताइएको छ ।
अनैतिक कार्यमा संलग्न ४ जना युवतीसंगै खाजाघरका संचालक समेतलाई पक्राउ गरेको परिसरका प्रहरी निरीक्षक सुशील कुमार पाण्डेले जानकारी गराएका छन् ।
मोरङ गोविन्दपुर घर भएका गगनचुम्बी खाजाघरका ५२ बर्षिय संचालकको साथबाट २१० ग्राम लागु औषध गाँजा समेत बरामद गरिएको छ । उक्त खाजा घर लागू आैषध र याैन क्रिडाको अखडा रहेको प्रहरीको आरोप छ । खाजा घरका संचालक र युवतीहरुमाथि थप अनुसन्धान कार्य अगाडी बढाइएको प्रहरी निरीक्षक पाण्डेले बताए ।