भक्तपुरमा ट्रिपरको ठक्करबाट फेरि एक जनाको मृत्यु भएको छ । शुक्रवार बिहान ट्रिपरले ठक्कर दिँदा घाइते भएका स्कुटर चालकको उपचारको क्रममा मृत्यु भएको हो ।

मध्यपुर ठिमी नगरपालिका- २ सानोठिमी क्याम्पस अगाडी बा. २ क. ३९३४ नं. को ट्रिपरले बा. ६६ प. ८५५३ नं. को स्कुटरलाई ठक्कर दिदा स्कुटर चालक चेत बहादुर थापाको ज्यान गएको बतैएको छ । बिहान अन्दाजी ५ : ३० बजेको समयमा दुर्घटना हुदा सक्त घाइते ४८ बर्षिय थापालाई ठिमीस्थित मध्यपुर अस्पताल पुर्याइएको थियो । त्यहाँ उपचार हुन नसकेपछि थप उपचारको लागि काठमाडौंस्थित बि एण्ड बी अस्पताल पुर्याइएका थापाको उपचारकै क्रममा ज्यान गएको प्रहरीले पुष्टि गरेको छ ।

मृतक थापा सिन्धुपाल्चोकको सेलाङ- ६ घर भई हाल भक्तपुर जिल्ला मध्यपुर ठिमी नगरपालिका-६ पुरानो थिमीमा बस्दै आएका थिए । ठक्कर दिने चालक ललितपुरको च्यासल बस्ने बर्ष ३० को राजन खड्गीसहित ट्रिपर प्रहरीको नियन्त्रणमा रहेको र थप अनुसन्धान भईरहेको महानगरीय प्रहरी परिसर भक्तपुरका सूचना अधिकृत प्रहरी नायव उपरीक्षक रेवतीरमण पोख्रेलले जानकारी गराएका छन् ।

फेसबुकमै निरन्तर खबरको लागि हाम्रो फेसबुक पेज लाइक गर्नुस्

https://www.facebook.com/Nepalwall/