भक्तपुर, ९ असारपरीक्षा नियन्त्रण कार्यालय सानोठिमीले माध्यमिक शिक्षा परीक्षा कक्षा १० (एसइइ)को नतिजा सार्वजनिक गरेको छ ।
शनिबार पत्रकार सम्मेलन गरी नतिजा सार्वजनिक गरिएको हो । दिउसो ३ बजे सार्वजनिक गर्ने भनिएको नतिजा साँझ झण्डै ८ बजे सार्वजनिक गरिएको छ ।
नतिजा अनुसार यसवर्ष नियमित तर्फ ४ लाख ५१ हजार ५ सय ३२ जना परीक्षार्थी सहभागी भएकोमा १४ हजार २ सय ३४ जना जिपिए ३ दशमलव ६५ देखि ४ सम्म ल्याएर उत्तीर्ण भएका छन् ।
त्यस्तै, जिपिए ३ दशमलव २५ देखि ३ दशमलव ६० सम्म ल्याएर ४६ हजार १सय ३० जना, जिपिए २ दशमलव ८५ देखि ३ दशमलव २० सम्म ल्याएर ४९ हजार ३७ जना, जिपिए २ दशमलव ४५ देखि २ दशमलव ८० सम्म ल्याएर ७० हजार ५सय१२ जना, २ दशमलव ०५ देखि २ दशमलव ४० सम्म ल्याएर ६१ हजार ८सय ७० जना, जिपिए १ दशमलव ६५ देखि २ दशमलव शून्यसम्म ल्याएर एक लाख १ हजार ४३ जना, जिपिए १ दशमलव २५ देखि १ दशमलव ६० सम्म ३५ हजार ५ सय ८४ जना र शून्य दशमलव ८५ देखि १ दशमलव २० सम्म ल्याएर ५८ हजार ६ सय ८८ जना उत्तीर्ण भएका छन् ।
त्यसैगरी एक्जाम्टेडतर्फ जम्मा २५ हजार १३८ जना परीक्षार्थी रहेकोमा जिपिए ३ दशमलव ६५ देखि ४ सम्म ल्याएर कोही पनि उत्तीर्ण भएका छैनन् । यसतर्फ जिपिए ३ दशमलव २५ देखि ३ दशमलव ६० सम्म दुईजना उत्तीर्ण भएका छन् ।
जिपिए २ दशमलव ८५ देखि ३ दशमलव २० सम्म १९ जना, जिपिए २ दशमलव ४५ देखि २ दशमलव ८० सम्म ल्याएर १सय ७७ जना, २ दशमलव ०५ देखि २ दशमलव ४० सम्म ल्याएर ७सय २ जना, जिपिए १ दशमलव ६५ देखि २ दशमलव शून्यसम्म ल्याएर पाँच हजार ८सय ९५ जना, जिपिए १ दशमलव २५ देखि १ दशमलव ६० सम्म ल्याएर ६ हजार ५सय २७ जना, शून्य दशमलव ८५ देखि १ दशमलव २० सम्म ल्याएर ३ हजार १ सय ८ जना उत्तीर्ण भएका छन् ।
नतिजा हेर्न यहाँ क्लिक गर्नुस् :
http://www.see.ntc.net.np/
http://result.soce.gov.np/