काठमाडौँ, १५ साउनप्रधानमन्त्री केपी शर्मा ओलीले सरकारी कर्मचारी मात्र नभई राजनीतिक नेतृत्व पनि आर्थिक नियम भित्र रहनुपर्ने बताएका छन् ।
मंगलवार महालेखा परीक्षकको आर्थिक वर्ष २०७४/७५ लेखा परीक्षणसम्बन्धी बैठकलाई सम्बोधन गर्दै प्रधानमन्त्री ओलीले राजनीतिले देशलाई बाटो देखाउने दावी गर्दै राजनीतिक व्यक्ति भ्रष्ट भए देश भ्रष्टाचारबाट मुक्त हुन नसक्ने बताए ।
सरकारी कार्यालयमा बेरुजु बढ्नु डरलाग्दो कुरा भएको भन्दै उनले बेरुजु बढाउनु भनेको भ्रष्टाचार भएकोमा जोड दिए । बेरुजु बढाउनु भनेको भ्रष्टाचार गर्नु हो , त्यसमा संलग्नलाई कानूनी कारवाही गर्नुपर्दछ ।” उनले भने ।
बढ्दो बेरुजुले अन्तर्राष्ट्रिय स्तरमा पनि नेपालको नाम बदनाम गराउने भन्दै प्रम ओलीले बेरुजु बढाउने होइन यसलाई अब यही पूर्णविराम लगाउनु निर्देशन समेत दिए ।
बैठकमा महालेखा परीक्षक टंकमणि शर्माले आव २०७४/७५ मा रु ४८ अर्ब बेरुजु देखिएको जानकारी दिएका थिए भने उक्त अवसरमा प्रधानमन्त्रीका मुख्य सल्लाहकार विष्णुप्रसाद रिमाल र विभिन्न मन्त्रालयका सचिवको उपस्थिति थियो ।