ऊर्जा क्षेत्रको नियमनका लागि सरकारले विद्युत् नियमन आयोग गठन गर्ने भएको छ ।

गतवर्ष नै पारित भएको विद्युत् नियमन आयोग ऐनको लागि विद्युत् नियमन आयोगको नियमावली पारित भएको पनि दुई महिना बितेपछि ऊर्जा, जलस्रोत तथा सिँचाइ मन्त्रालयले राजपत्रमा प्रकाशनका लागि पठाइसकेको जानकारी प्राप्त भएको छ ।
ऐन र नियमावलीले गरेको व्यवस्थाअनुसार नै मन्त्रालयले विद्युत् नियमन आयोग गठन गर्न लागेको मन्त्रीको निजी सचिवालयले जनायो ।
आयोगका लागि अध्यक्ष र सदस्यहरुको बिज्ञापन एक दुई दिन भित्रै गर्ने मन्त्रालयले तयारीसमेत गरेको बताइएको छ ।

विद्युत उत्पादन, प्रसारण, वितरण वा व्यापारलाई सरल, नियमित, व्यवस्थित तथा पारदर्शी बनाइ विद्युतको माग र आपूर्तिमा सन्तुलन कायम राख्न, विद्युत् महसुल नियमन गर्न, विद्युत् उपभोक्ताको हक र हित संरक्षण गर्न आयोगको परिकल्पना गरिएको हो ।