सूर्यविनायकमा साँझ मोटरसाइकलले ठक्कर दिँदा एक जेष्ठ नागरिकको ज्यान गएको छ । सूर्यविनायक-६ थापा पार्टी प्यालेस नजिक बा १९ प ३३६१ नम्बरको मोटरसाइकलले ठक्कर दिँदा जेष्ठ नागरिक बर्ष ७० की लक्ष्मी देवी श्रेष्ठको ज्यान गएको हो ।

साँझ ५ :२० बजेको समयमा गणेश मन्दिरबाट सूर्यबिनायक चोकतर्फ आउदै गरेको बा १९ प ३३६१ नम्बरको मोटरसाइकलले ठक्कर दिँदा सिन्धुपाल्चोक जिल्लाको चौतारा घर भै सूर्यविनायक नगरपालिका-५ सल्लाघारी बस्ने ७० वर्षिया लक्ष्मी देवी श्रेष्ठको ज्यान गएको प्रहरीले पुष्टि गरेको छ । महानगरीय प्रहरी परिसर भक्तपुरका प्रवक्ता डीएसपी रेवतीरमण पोखरेलका अनुसार दुर्घटना भए लगत्तै डा. ईवामुरा मेमोरियल अस्पताल सल्लाघारी लगिएको लक्ष्मीलाई थप उपचारको लागि किस्ट (KIST) अस्पताल ईमाडोल पुर्याइएको भएपनि साँझ करीव ७ : ४५ बजे उनको मृत्यु भएको हो ।

सोही दुर्घटनामा घाइते भएकी सल्लाघारी बस्ने बर्ष ६४ की मैया श्रेष्ठको अवस्था भने खतरा मुक्त रहेको बताइएको छ । उनको डा. ईवामुरा मेमोरियल अस्पतालमा उपचार भैरहेको डीएसपी पोखरेलले जानकारी गराएका छन् ।

मोटरसाइकलसहित मोटरसाइकल चालक सूर्यविनायक-. ८ सिपाडोल बस्ने बर्ष ३८ को सानुभाई नेपालीलाई महानगरीय प्रहरी वृत्त जगातीले नियन्त्रणमा लिएको र दुर्घटनाको थप अनुसन्धान कार्य भईरहेको बताइएको छ ।

Nepalwall को फेसबुक पेज लाइक गरी निरन्तर खबर प्राप्त गर्न सकिनेछ ।