नेपाली नक्कली नोटसहित दुई भारतीय नागरिक पक्राउ परेका छन् । पूर्वीनाका काँकरभिट्टाबाट मंगलबार उनीहरु पक्राउ परेका हुन् ।

नेपाली नक्कली नोटसहित भारत सिलिगुढीका ४० वर्षीय सतिस अग्रवाल र सोही ठाउँका २४ वर्षीय हितेस अग्रवाल पक्राउ परेको प्रहरीले जनाएको छ । प्रहरी नायब उपरीक्षक जितेन्द्रकुमार बस्नेतका अनुसार दुवै जनालाई मेचीनगर–६ स्थित भन्सार गेट अगाडिबाट पक्राउ गरिएको हो ।

सूचनाको आधारमा सर्च गर्दा प्रहरीले सतिसको साथबाट ३३ हजार र हितेसको साथबाट १७ हजार रुपैयाको नेपाली नक्कली नोट फेला पारेपछि दुवै जनालाई पक्राउ गरिएको हो । यस सम्वन्धमा थप अनुसन्धान कार्य भइरहेको प्रहरीले बताएको छ ।